Bigg Boss Marathi 3: घरात कोणी केला विश्वासघात? टीम 'A' साठी कोण आहे घातक?

Bigg Boss Marathi 3:बिग बॉस मराठीच्या घरामध्ये सगळीच समीकरण बदलताना दिसत आहेत.

बिग बॉस मराठीच्या घरामध्ये सगळीच समीकरण बदलताना दिसत आहेत. नक्की कोण कोणाच्या बाजूने खेळत आहे, कोण कोणाचा दुश्मन आहे ? कोणापासून धोका आहे ? हे सांगण जरा अवघड होऊन बसले आहे. प्रत्येकाला घरामध्ये टिकून राहायचे आहे आणि त्यामुळे प्रत्येक सदस्य त्याचा त्याचा गेम खेळतो आहे असे म्हणायला हरकत नाही. यामध्ये अगदी पहिल्या दिवसापासून मैत्रीच्या शपथा घेणारे सदस्य कुठवर ही मैत्री जपतील हे येणार्‍या दिवसांमध्ये कळणार आहेच.

ग्रुपमध्ये देखील आता फुट पडण्यास सुरुवात झाली आहे. विकास – विशालनंतर आता कुठेतरी मीरा आणि गायत्रीमध्ये देखील दुरावा येत आहे असे दिसते आहे. मग काल मीराने उत्कर्ष, दादूस आणि जयसमोर तिचे मनमोकळे करणे असो वा मग त्यांची आजची चर्चा असो. (Bigg Boss Marathi 3)आता आजची ही चर्चा नक्की गायत्रीवरुनच आहे की मीरा आणि उत्कर्ष कोणा दूसर्‍या सदस्याबद्दल बोलत आहेत हे आजच्या भागामध्ये कळेलच.

उत्कर्ष आणि मीरा दिसणार चर्चा करताना

उत्कर्ष आणि मीरा आज चर्चा करताना दिसणार आहेत. उत्कर्ष म्हणाला, मला म्हणे उत्कर्ष तरीपण तू खेळलास ना... मी म्हणालो, अगं मी खेळलोच नाही... हा अपघात होता. तुला पकडायचे असते तर मग मी कसेही पकडले असते. माझेच मित्र मला सांगत होते खेळ पण तरीदेखील मी खेळलो नाही... जयने मला उदाहरण दिले मस्त, बाहेरून कोणी आग लावायला आलं तर आपण बाहेर पहारा देऊ शकतो, वाचवू शकतो. घरातच कोणी गॅस लावला तर ? विश्वासघात म्हणतात त्याला... मला त्याने तेव्हाच सांगितले होते की, ही तुम्हांला सगळ्यांना धोका होईल.” मीराचे म्हणणे आहे, विश्वासघात नाही तिला इनसिक्युरिटी आहे आणि चर्चा पुढे सुरू राहिली. पुढे या दोघांमध्ये अजून काय काय चर्चा झाली हे जाणून घेण्यासाठी बिग बॉस मराठी सिझन तिसऱ्या सीझनचा एपिसोड पाहावा लागेल.

विकास VS विशाल

आजच्या टास्कमध्ये विकास आणि विशालमध्ये पुन्हा एकदा जबरदस्त राडा होणार आहे. घरातील समीकरण बदलताना दिसत आहेत. प्रत्येक सदस्य स्वतंत्र गेम खेळताना दिसणार असे दिसून येत आहे. तर टास्क असा असणार आहे, तात्या यांच्या स्पेसशिपचे इंधन संपले आहे, प्रत्येक सदस्याला त्यांच्या टीममधील सदस्यांच्या मदतीने स्पेसशिपमध्ये इंधन भरायचे आहे आणि यावरूनच पडली विकास आणि विशालमध्ये वादाची ठिणगी. विकासचे म्हणणे आहे तू डायरेक्ट घुसलासच... विशालचे म्हणणे आहे, त्यांची पाईप लाईन पूर्ण झाली गेम ते जिंकले... आणि वाद पुढे वाढतच गेला... नेमके काय घडले हे आजचा बिग बॉस मराठीचा एपिसोड पाहिल्यावर समजेल.