Bigg Boss Marathi 3: बिग बॉस मराठीच्या घरात येणार झोंबी, सदस्यांचा उडणार थरकाप 

Bigg Boss Marathi 3: मीनल टिकिट टू फिनालेच्या टास्कमधून बाहेर पडली. आता यासाठी दावेदार आहेत तीन दावेदार उत्कर्ष, मीरा आणि विशाल.

बिग बॉस मराठी ३ (Bigg Boss Marathi 3)आता अंतिम टप्प्यापर्यंत पोहचला आहे. मात्र तरीदेखील घरातील सदस्यांमधील रूसवे - फुगवे, भांडण, मतभेद, द्वेष काही संपायचे नाव घेत नाही. दररोज घरात काहीतरी नवीन घडताना दिसत आहे. दरम्यान आता नुकतीच मीनल टिकिट टू फिनाले च्या टास्कमधून बाहेर पडली आहे. तसेच आजचा भाग खूपच इंटरेस्टिंग ठरणार आहे. घरात झोंबी (Zombie)येणार आहे. त्यामुळे सुरूवातीला घरातील सदस्यांचा थरकाप उडताना दिसणार आहे.

कालच्या भागामध्ये मीनल टिकिट टू फिनाले च्या टास्कमधून बाहेर पडली. आता यासाठी दावेदार आहेत तीन दावेदार उत्कर्ष, मीरा आणि विशाल. बघूया या तिघांमध्ये कोणट्या सदस्याला मिळणार टिकिट टू फिनाले आणि कोण पोहचणार अंतिम आठवड्यात.  टिकिट टू फिनालेचा टास्क रंगणार काही खास पाहुण्यांसोबत म्हणजेच घरात जाणार आहेत तीन खास पाहुणे अमेय वाघ, वैदेही परशुरामी आणि ललित प्रभाकर. हे कलाकार त्यांचा आगामी चित्रपट झोंबीचे प्रमोशन करताना दिसणार आहे.
नुकत्याच समोर आलेल्या प्रोमोमध्ये सदस्यांना हे सरप्राईझ मिळाले आहे की  टिकिट टू फिनालेचा टास्क पाहुण्यांच्या उपस्थितीत रंगणार आहे. बघायला नक्कीच मजा येणार आहे. त्यामुळे आजचा भाग पाहावा लागेल.