Bigg Boss Marathi 4: बिग बॉसच्या घरातून बाहेर पडल्यानंतर विकासला मिळाला मोठा ब्रेक, होतंय त्याचं कौतुक

Vikas Sawant : बिग बॉसच्या घरातून बाहेर पडल्यानंतर विकास सावंत बाहेर पडल्यानंतर त्याला लॉटरी लागली

छोट्या पडद्यावरील लोकप्रिय आणि वादग्रस्त रिएलिटी शो बिग बॉस (Bigg Boss Marathi 4) अंतिम टप्प्यात पोहचला आहे. या सीझनला प्रेक्षकांची चांगलीच पसंती मिळते आहे, तर काही प्रेक्षकांनी या शोवर नाराजी देखील व्यक्त केली आहे. बिग बॉस मराठी ४मध्ये विकास सावंत हा देखील सहभागी झाला आहे. विकास सावंत (Vikas Sawant) याने आतापर्यंत चांगला खेळ केला होता. मात्र, बिग बॉसच्या घरातून तो बाहेर पडला आहे. दरम्यान विकास सावंत घरातून बाहेर पडल्यानंतर त्याला मोठी लॉटरी लागली आहे. नेमकं काय झालं हे जाणून घेण्यासाठी तुम्ही उत्सुक असाल ना. त्याला चित्रपटात काम मिळाल्याचे समजते आहे.

विकास सावंत बाहेर पडल्यानंतर त्याला लॉटरी लागली, अशी बातमी सोशल मीडियावर सध्या मोठ्या प्रमाणात व्हायरल होताना दिसत आहे. विकास सावंत त्याला लॉटरी लागली म्हणजे महेश मांजरेकर यांनी त्याला त्याच्या आगामी चित्रपटात काम दिले आहे. याबद्दल बोलताना विकास सावंत याने सांगितले की, महेश मांजरेकर यांनी मला त्यांच्या आगामी चित्रपटात काम दिले आहे. यासाठी मी त्यांचा आभारी आहे आणि बिग बॉस या शोचा देखील आभारी आहे. कारण या शोमुळेच मला प्रसिद्धी मिळाली आहे, असे त्याने म्हटले आहे.

View this post on Instagram

A post shared by Vikas Sawant (@vikas_sawant_001)

बिग बॉसच्या घरामध्ये असताना विकास सावंत आणि किरण माने यांच्यात चांगली मैत्री जमली होती. या दोघांची मैत्री एवढी चांगली जमली होती की, नंतर हे दोघं एकमेकांशिवाय राहू शकत नव्हते. मात्र, मध्यंतरी या दोघांमध्ये वाद झाल्याचे देखील आपल्याला या शो दरम्यान पाहायले मिळाले होते. दरम्यान आता तेजस्विनी लोणारी ही या शोमध्ये पुन्हा एकदा पाहायला मिळणार असल्याचे सांगितले जात आहे.