Bigg Boss Marathi 4 PROMO : किरण माने ‘अंडरग्राऊंड’ होताच विकास सावंतने बदलला गेम? पाहून प्रेक्षकही संतापले

Bigg Boss Marathi 4 PROMO : बिग बॉसच्या घरात क्षणात नाती बदलतात... किरण माने घरातून गेले म्हटल्यावर घरात नवी समीकरणं जुळू लागली आहेत...

Bigg Boss Marathi 4 PROMO : बिग बॉसच्या घरात क्षणात नाती बदलतात. गेल्या अनेक सीझनमध्ये आपण हे पाहिलंय. आता ‘बिग बॉस मराठी 4’चंच उदाहरण घ्या. किरण माने ‘अंडरग्राऊंड’ होताच विकास आणि अपूर्वाच्या मैत्रीला भरतं आलं आहे.

होय, बिग बॉस मराठीमध्ये नवा ट्विस्ट पाहायला मिळतो आहे.  यशश्री मसुरकर घराबाहेर पडल्यानंतर किरण मानेही (Kiran Mane) घराबाहेर जातील असं  महेश मांजरेकर यांनी जाहिर केलं आणि किरण मानेंचं नाव ऐकून सगळ्यांनाच आश्चर्याचा धक्का बसला.  पण किरण माने घरातून आऊट झालेले नसून सीक्रेट रूममध्ये त्यांची रवानगी करण्यात आली आहे. सीक्रेट रूममध्ये राहून घरातील सदस्य काय काय कारस्थानं करतात? हे किरण यांना सीक्रेट रूममधून पाहता येणार आहे. घरातील सदस्यांना हे ठाऊक नाही. त्यामुळे किरण माने घरातून गेले म्हटल्यावर घरात नवी समीकरणं जुळू लागली आहेत.

 कलर्स मराठी वाहिनीने आजच्या एपिसोडचा प्रोमो रिलीज केला आहे. यात किरण माने यांचा घरातील सर्वात जवळचा मित्र विकास सावंत याने आपला नवा गेम सुरू केला आहे. किरण घराबाहेर पडताच  विकास अपूर्वाच्या मागेपुढे करू लागलाये. ‘अपूर्वा खूप चांगली आहे,’असं विकास म्हणते,‘ यावर ‘तुझ्याविषयी मला नेहमीच आपुलकी वाटते. तूच माझ्याबाबत अनेक गैरसमज करून घेतले आहेस,’असं अपूर्वा म्हणते. आपली पाठ वळताच अपूर्वा व विकास यांची मैत्री बहरलेली पाहून किरण माने निराश होतात.  ‘खूप वाईट वाटतं हो. याला इथपर्यंत आपण बरोबर घेऊन आलो,’ असं ते म्हणताना दिसतो. व्हिडीओत विकास व अपूर्वा एकमेकांना घास भरवताना दिसतात. शिवाय आता माझी काळजी घ्यायला अजून एक माणूस आहे... असं विकास म्हणतो. यावर , पिक्चर अभी बाकी है, असं किरण माने म्हणतात. 

 किरण माने घरातून बाहेर जाताच विकास अपूर्वाच्या कॅम्पमध्ये सामील झाल्याचं पाहून सर्वांनाच धक्का बसला आहे. चाहत्यांनी यावर वेगवेगळ्या प्रतिक्रिया दिल्या आहेत.  वीक्या गोड बोलून गेम करतोय, असं एकाने म्हटलं आहे. तर विकास कमावलेली इज्जत घालवली एका दिवसामध्ये. एकटा खेळ, असं एका युजरने कमेंट करताना लिहिलं आहे. विकासचा खरा चेहरा समोर आला, अशी प्रतिक्रिया एका युजरने दिली आहे.