घराचा कॅप्टन होण्यासाठी सदस्यांमध्ये रस्सीखेच, DP ने निक्कीला पकडलं तर सूरजने ढकललं; 'बिग बॉस'च्या घरात राडा

Bigg Boss Marathi Season 5 Contestants :दुसऱ्या आठवड्यात कॅप्टन्सी कार्यात विजयी होत अंकिता वालावलकरला बिग बॉसच्या घराचा पहिला कॅप्टन होण्याचा मान मिळाला होता. आता यंदाच्या आठवड्यात कॅप्टन होण्यासाठी सदस्यांमध्ये रस्सीखेच झाल्याचं पाहायला मिळत आहे. 

Bigg Boss Marathi Season 5 : बिग बॉस मराठीच्या घरात या आठवड्यातील कॅप्टन्सी कार्य पार पडणार आहे. यासाठी सदस्यांना नवा टास्क देण्यात आला आहे. दुसऱ्या आठवड्यात कॅप्टन्सी कार्यात विजयी होत अंकिता वालावलकरला बिग बॉसच्या घराचा पहिला कॅप्टन होण्याचा मान मिळाला होता. आता यंदाच्या आठवड्यात कॅप्टन होण्यासाठी सदस्यांमध्ये रस्सीखेच झाल्याचं पाहायला मिळत आहे. 

बिग बॉसने सदस्यांना कॅप्टन्सीसाठी बोटीचा टास्क दिला आहे. यामध्ये बोटीत बसून घराचा कॅप्टन कोण बनणार हे ठरणार आहे. सदस्यांना बोटीत बसून बोट शोधण्याबरोबरच कॅप्टनपदाच्या उमेदवाराच्या शर्यतीतून सदस्यांना बाजूलाही करायचे आहे. या टास्कदरम्यानचा एक नवा प्रोमो व्हिडिओ समोर आला आहे. यामध्ये सदस्यांमध्ये काँटे की टक्कर पाहायला मिळत आहे. निक्कीला धनंजय दादाने अडवल्याचं दिसत आहे. तर अरबाज आणि वैभवला सूरज ढकलत असल्याचं पाहायला मिळत आहे. कॅप्टनसी टास्कमध्ये कोणता सदस्य बाजी मारून यंदाच्या आठवड्यात कॅप्टन होणार, हे बघणं रंजनकारक असणार आहे. 

बिग बॉसने या आठवड्यात अभिजीत आणि अरबाजला विशेष पॉवर कार्ड दिले होते. यामध्ये अभिजीतने पॅडीला तर अरबाजने निक्कीला नॉमिनेशनपासून सेफ केलं. तर नंतर वैभवने पॉवर कार्डचा वापर करून घनश्यामला सेफ करत  अभिजीत सावंतला नॉमिनेट केलं. त्यामुळे आता या आठवड्यात योगिता चव्हाण, निखिल दामले, सूरज चव्हण, अभिजीत सावंत हे सदस्य नॉमिनेट झाले आहेत. 

'बिग बॉस मराठी ५'चे स्पर्धक 

वर्षा उसगावकर, निखिल दामले, अंकिता वालावलकर, पंढरीनाथ कांबळे, योगिता चव्हाण, जान्हवी किल्लेकर, अभिजीत सावंत, घनश्याम दरवडे, इरिना रुडाकोवा, निक्की तांबोळी, वैभव चव्हाण, अरबाज पटेल, आर्या जाधव, पुरषोत्तम दादा पाटील, धनंजय पोवार, सूरज चव्हाण