Bigg Boss Marathi 5 : जान्हवी किल्लेकर आणि निक्की तांबळीमध्ये पडली फूट

Bigg Boss Marathi Season 5 : 'बिग बॉस मराठी'च्या पाचवा सीझन सुरू होऊन आठवडा झाला. दिवसेंदिवस बिग बॉसच्या घरात नवनवीन ट्विस्ट पाहायला मिळत आहेत.दरम्यान घरात सध्या दोन गट पडले आहेत.

'बिग बॉस मराठी'च्या पाचवा सीझन सुरू होऊन आठवडा झाला. दिवसेंदिवस बिग बॉसच्या घरात नवनवीन ट्विस्ट पाहायला मिळत आहेत. पहिल्याच दिवसापासून अनेक वाद पाहायला मिळत आहेत. तसेच काही मजेदार टास्क आपण घरात पाहत आहोत. घरात सध्या दोन गट पडले आहेत. नुकत्याच आलेल्या प्रोमोत पाहायला मिळत आहे की, एकाच गटातील जान्हवी किल्लेकर आणि वैभव हे निक्की तांबोळी विषयी बोलताना आपल्याला दिसत आहेत. 

या प्रोमोत पाहायला मिळत आहे की, जान्हवी रडत वैभवला सांगत आहे की,"आपण सगळे करतो आणि निक्की क्रेडिट घेऊन जाते..".  बिग बॉसच्या घरात आता जान्हवी आणि निक्कीमध्ये वाद होणार का? या  जान्हवी आणि निक्कीमध्ये पडलेली ठिणगीचा वणवा होणार का? हे पाहणं मनोरंजनात्मक असणार आहे. नक्की कोणते क्रेडिट निक्कीने घेतले आणि पुढे कोणता नवा रंग बिग बॉसच्या खेळला येणार हे पाहाणे महत्वाचे ठरेल.

अरबाज आणि निक्कीमध्ये होणार वाद  
दुसरीकडे अरबाज आणि निक्कीमध्ये वाद होताना दिसणार आहे. गॉसिपमध्ये अरबाज म्हणताना दिसतं आहे की," जर येवढे नाजूक असला तर नका खेळू घरी बसा.. मुद्दे उगाच काढू नका... त्यावर निक्की म्हणाली की, " पण का बोललास तर.... अरबाज म्हणाला तू तिची साईड घेऊ नकोस आणि घ्यायची असेल तर पुर्ण घे.. तर निक्की म्हणाली की , मला घमंड दाखवू नकोस... असा निक्की आणि अरबाजमध्ये मतभेद होऊन ठिणगी पेटते. या गॉसिपमध्ये ते कोणाविषयी बोलत आहेत हे जाणून घेण्यास प्रेक्षक उत्सुक असतीलच. तर अरबाज आणि निक्कीमध्ये पडलेली ठिणगीचा वणवा होणार का? हे पाहणं मनोरंजनात्मक असणार आहे.