दिवाळीला अभिजीत सावंतने दिली गुड न्यूज! चाहत्यांनी सोडला सुटकेचा निःश्वास, व्हिडीओ व्हायरल

दिवाळीच्या मुहुर्तावर अभिजीत सावंतने दिली सर्वांना खास बातमी. व्हिडीओ सोशल मीडियावर व्हायरल

अभिजीत सावंत हा बिग बॉस मराठीच्या नवीन सीझनमध्ये सहभागी झाला होता. अभिजीत सावंतने त्याचा उत्कृष्ट खेळ आणि संभाषणचातुर्याच्या जोरावर अभिजीतने बिग बॉस मराठीमध्ये रनर अप म्हणून मजल मारली. सूरज चव्हाण बिग बॉस मराठीचा विजेता झाला असला तरीही अभिजीतलाही लोकांनी चांगलंच प्रेम दिलं. अभिजीतने दिवाळीच्या मुहुर्तावर चाहत्यांना गुड न्यूज दिलीय. यासाठी सर्व चाहत्यांनी अभिजीतचं अभिनंदन केलंय.

अभिजीत सावंतने दिली आनंदाची बातमी

अभिजीत सावंतने सोशल मीडियावर एक व्हिडीओ शेअर केलाय. या व्हिडीओखाली त्याने कॅप्शन लिहिलंय की, "बिग बॉसच्या घरात असल्यापासून सांभाळून ठेवलेली ही बंदूक Finally माझ्या हातातून काढून टाकलेली आहे!" असं कॅप्शन देत अभिजीतने सर्वांना आनंदाची बातमी दिलीय. बिग बॉसच्या घरात टास्क खेळताना अभिजीतच्या बोटाला दुखापत झाली होती. त्यामुळे घरात शेवटपर्यंत अभिजीतच्या बोटाला प्लास्टर लावलं होतं. अखेर हे प्लास्टर काढण्यात आल्या आहेत. विशेष म्हणजे सध्या दिवाळी असल्याने अभिजीतची यंदाची दिवाळी गोड झाली असं म्हणता येईल.

अभिजीत सावंतची बिग बॉसनंतरही चर्चा

बिग बॉस मराठीच्या पाचव्या सीझननंतर अभिजीत सावंतची चर्चा झाली. अभिजीतने घरात सुरुवातीपासून शेवटपर्यंत ७० दिवसांमध्ये हुशारीच्या जोरावर उत्कृष्ट खेळ दाखवत बिग बॉसच्या उपविजेतेपदापर्यंत मजल मारली. अभिजीत सावंत बिग बॉस मराठीचा पाचवा सीझन गाजवल्यावर सोशल मीडियावर विविध फोटो आणि व्हिडीओच्या माध्यमातून चर्चेत असतो. अभिजीतच्या बोटावरचं प्लास्टर निघाल्याने सर्वांनी त्याचं अभिनंदन केलंय.