गुलीगत धोका ऐकत नाय! जान्हवीने "फालतू" म्हटल्यावर सूरजचा टप्प्यात कार्यक्रम, जोरदार भांडणाचा व्हिडिओ समोर

Bigg Boss Marathi Season 5 Contestants : सुरुवातीला सूरज बिग बॉसच्या घरात गप्प असायचा. पण, आता मात्र त्याने त्याचा खेळ दाखवायला सुरुवात केली आहे. बिग बॉसच्या घरातील एक व्हिडिओ आता समोर आला आहे.

Bigg Boss Marathi Season 5 : बिग बॉस मराठी ५ सुरू होईन आता एक आठवडा झाला आहे. पहिल्या दिवसापासूनच यंदाचा सीझन चर्चेत आहे. रीलस्टार सूरज चव्हाणने बिग बॉसच्या घरात एन्ट्री घेतल्याने सगळ्यांना आश्चर्याचा धक्का बसला होता. सुरुवातीला सूरज बिग बॉसच्या घरात गप्प असायचा. पण, आता मात्र त्याने त्याचा खेळ दाखवायला सुरुवात केली आहे. बिग बॉसच्या घरातील  एक व्हिडिओ आता समोर आला आहे. या व्हिडिओत सूरज आणि जान्हवीमध्ये कडाक्याचं भांडण झाल्याचं दिसत आहे. 

बिग बॉसच्या घरातील या नवीन व्हिडिओत जान्हवी आणि सूरज एकमेकांबरोबर जोरदार भांडत असल्याचं दिसत आहे. "तुला काय चावी मिळाली का काल? आठवडाभर शांत होतास ना...", असं जान्हवी सूरजला म्हणत असल्याचं दिसत आहे. पुढे ती म्हणते, "किती फालतू आहे रे हा". त्यानंतर सूरज तिला "चल निघ" असं म्हणतो. त्यामुळे जान्हवीचा पारा आणखी चढतो आणि ती सूरजला "माझ्यासमोर शहाणपणा करायचा नाही" असं म्हणते. त्यावर सूरज पुन्हा जान्हवीकडे बोट दाखवत तिला "चल तू निघ" असं म्हणतो. त्यानंतर जान्हवीला राग अनावर झाल्याचं पाहायला मिळत आहे. "ए तू निघ...तुला कसा काढायचा ना ते आम्ही बघू", असं जान्हवी त्याला म्हणते. जान्हवी पुन्हा सूरजला "हट" असं म्हणते. आणि सूरज तिला उत्तर देत "चल फूट" असं म्हणतो. 

दरम्यान, 'बिग बॉस मराठी'च्या पाचव्या सीझनमधील पहिल्या आठवड्यात अंकिता वालावलकर, वर्षा उसगावकर, सूरज चव्हाण, योगिता चव्हाण, धनंजय पवार, पुरुषोत्तमदादा पाटील हे सदस्य नॉमिनेट झाले होते. त्यांच्यापैकी किर्तनकार पुरुषोत्तमदादा पाटील यांचा बिग बॉसच्या घरातील प्रवास संपला आहे. पुरुषोत्तम दादा पाटील हे यंदाच्या सीझनमधील बिग बॉसच्या घरातून बाहेर पडणारे पहिले स्पर्धक ठरले आहेत. 

'बिग बॉस मराठी ५'चे स्पर्धक 

वर्षा उसगावकर, निखिल दामले, अंकिता वालावलकर, पंढरीनाथ कांबळे, योगिता चव्हाण, जान्हवी किल्लेकर, अभिजीत सावंत, घनश्याम दरवडे, इरिना रुडाकोवा, निक्की तांबोळी, वैभव चव्हाण, अरबाज पटेल, आर्या जाधव, पुरषोत्तम दादा पाटील, धनंजय पोवार, सूरज चव्हाण