"निक्की बिग बॉस जिंकू शकणार नाही, कारण...", बाहेर आल्यानंतर योगिता चव्हाण स्पष्टच बोलली

Bigg Boss Marathi Season 5 Contestants : योगिताने यंदाच्या सीझनचे टॉप ५ कंटेस्टंट सांगितले. बिग बॉस मराठीच्या टॉप ५ कंटेस्टंटमध्ये योगिताने निक्की तांबोळीचंही नाव घेतलं. पण, त्याबरोबरच निक्की हा शो जिंकू शकणार नाही, असं देखील योगिता म्हणाली.

Bigg Boss Marathi Season 5 : बिग बॉस मराठीचा नवा सीझन सुरू होऊन तीन आठवडे झाले आहेत. यंदाच्या सीझनमध्ये अभिनेत्री योगिता चव्हाणही सहभागी झाली होती. पण, अवघ्या तीनच आवड्यात तिचा घरातील प्रवास संपला. रविवारी झालेल्या भाऊच्या धक्क्यावर योगिताला बिग बॉसच्या घराचा निरोप घ्यावा लागला. घरातून बाहेर येताच योगिताने अनेक खुलासे केले आहेत. 

बिग बॉस मराठीच्या घरातील प्रवास संपल्यानंतर योगिताने प्रसारमाध्यमांशी संवाद साधला. साम टीव्हीला दिलेल्या मुलाखतीत योगिताने यंदाच्या सीझनचे टॉप ५ कंटेस्टंट सांगितले. बिग बॉस मराठीच्या टॉप ५ कंटेस्टंटमध्ये योगिताने निक्की तांबोळीचंही नाव घेतलं. पण, त्याबरोबरच निक्की हा शो जिंकू शकणार नाही, असं देखील योगिता म्हणाली. यामागचं कारणही योगिताने स्पष्ट केलं. बिग बॉस मराठीच्या यंदाच्या सीझनमधील टॉप ५ सदस्यांमध्ये योगिताने अभिजीत सावंत, सूरज चव्हाण, धनंजय पोवार, निक्की तांबोळी, अंकिता वालावलकर या स्पर्धकांची नावं घेतली.

पुढे योगिता म्हणाली, "निक्की टॉप ५ पर्यंत जाऊ शकते. पण, मला वाटत नाही की ती जिंकेल. प्रेक्षकांना हे आवडत नाहीये , हे मी बाहेर येऊन बघितलंय. आणि आतमध्ये तर तिचं वागणं बघून कोणीही सांगेल की ही कोणाला कशी काय आवडेल. तू कितीही स्मार्टपणाने खेळ किंवा टास्कमध्ये जिंकून दाखव. तुझ्यात जर माणूसकीच नाहीये, तर लोकांना ते का आवडेल. काही कारणच नाहीये. अशी एकही गोष्ट नाही की ज्यामुळे निक्की लोकांना आवडेल".

दरम्यान, बिग बॉस मराठीचा चौथा आठवडा सुरू झाला असून दिवसेंदिवस हा खेळ अधिक रंजक होत चालला आहे. त्याबरोबरच घरातील सदस्यांची समीकरणंही बदलत असल्याचं पाहायला मिळत आहेत. योगिता चव्हाणबरोबर निखिल दामलेचाही बिग बॉस मराठीच्या घरातील प्रवास संपला आहे. या आठवड्यात घराचा कॅप्टन झाल्यामुळे अरबाज पटेल सेफ असेल. त्यामुळे आता कोणत्या सदस्यांवर एलिमिनेशनची टांगती तलवार असेल, हे पाहावं लागेल.