सोनालीचा कमाल अंदाज; अभिनेत्रीच्या प्रत्येक लूकवर नेटकरी फिदा

Sonali Patil: सोनालीने इन्स्टाग्रामवर नुकताच तिचा एक व्हिडीओ शेअर केला आहे.

बिग बॉस मराठी (bigg boss marathi ) या रिअॅलिटी शोच्या माध्यमातून घराघरात पोहोचलेली लोकप्रिय अभिनेत्री म्हणजे सोनाली पाटील  (sonali patil).. कोल्हापुरची लवंगी मिरची असं बिरुद मिरवणाऱ्या सोनालीने या शोच्या माध्यमातून प्रचंड लोकप्रियता मिळवली. इतकंच नाही तर आपला कोल्हापुरी बाणाही तिने या बिग बॉसच्या घरात जपला. त्यामुळेच आज सोशल मीडियावर तिची चर्चा होताना दिसते.

सोनाली कलाविश्वासोबतच सोशल मीडियावरही तितकीच अॅक्टीव्ह आहे. त्यामुळे कायम ती चाहत्यांच्या संपर्कात येत असते. बऱ्याचदा सोनाली तिच्या प्रोफेशनल लाइफसोबतच पर्सनल लाइफमधील किस्से, प्रसंगदेखील नेटकऱ्यांसोबत शेअर करते. मात्र, यावेळी तिने एक सुरेख व्हिडीओ चाहत्यांसोबत शेअर केला आहे.

सोनालीने शेअर केलेल्या व्हिडीओमध्ये ती कमालीची सुरेख दिसत आहे.  हा व्हिडीओ शेअर करत तिने जगजीत सिंग यांची होशवालों को खबर ही गझल बॅकग्राऊंडला प्ले केली आहे. सोबतच 'मैं और गझल' असं कॅप्शनही तिने या व्हिडीओला दिलं आहे. त्यामुळे हा व्हिडीओ आणखीनच खास झाला आहे. सोनालीच्या या व्हिडीओवर नेटकरी कमेंटचा पाऊस पाडत आहेत.