स्वकष्टातून मीनल शाहने खरेदी केली Jeep; या जीपच्या किंमतीत सहज खरेदी करु शकता 1 BHK फ्लॅट

Meenal shah : अलिकडेच मीनलने एक नवीन जीप खरेदी केली आहे. त्यामुळे तिची सध्या नेटकऱ्यांमध्ये चर्चा रंगली आहे.

यंदा 'बिग बॉस मराठी'चं (Bigg Boss Marathi 3) तिसरं पर्व प्रचंड गाजलं. आतापर्यंत हा शो केवळ त्यात देणाऱ्या येणाऱ्या टास्कमुळे चर्चेत राहिला होता. मात्र यावेळी ते घरातील स्पर्धकांमुळेही चर्चेत आलं. या पर्वात काही ओळखीच्या चेहऱ्यांसोबतच अनोळखी चेहरेदेखील पाहायला मिळाले. मात्र, हे अनोळखी चेहरे अल्पावधीत प्रेक्षकांसाठी आपलेसे झाले. त्यातलंच एक नाव म्हणजे मीनल शाह (Meenal Shah). बिग बॉस मराठीच्या घरातील दमदार स्पर्धक म्हणून मीनलकडे पाहिलं गेलं. त्यामुळे मीनल हा शो जिंकली नसली तरीदेखील तिची चर्चा मात्र प्रचंड झाली. आजही मीनल सातत्याने चर्चेत येते. अलिकडेच मीनलने एक नवीन जीप खरेदी केली आहे. त्यामुळे तिची सध्या नेटकऱ्यांमध्ये चर्चा रंगली आहे.

सोशल मीडियावर सक्रीय असलेल्या मीनलने अलिकडेच इन्स्टाग्रामवर एक व्हिडीओ शेअर केला आहे. यामध्ये तिने स्वकष्टातून नवीन जीप खरेदी केल्याचं तिने सांगितलं आहे. विशेष म्हणजे या नव्या गाडीचा आनंद तिच्या चेहऱ्यावर स्पष्टपणे दिसून येत आहे.

View this post on Instagram

A post shared by Meenal Shah (@meenalshahofficial)

 मीनलने शेअर केलेला हा व्हिडीओ म्हणजे इन्स्टा रिल आहे. यात ती प्रथम तिच्या जुन्या जीपसह दिसते आणि थोड्या वेळात या जुन्या जीपची जागा नवीन जीप घेते. यातून मीनलने नवीन जीप खरेदी केल्याचं दिसून येत आहे. 

मीनलने खरेदी केली महागडी जीप

मीनलने लाल रंगाची जीप खरेदी केली आहे. विशेष म्हणजे या जीपची किंमत ५३ ते ५७ लाख रुपये असल्याचं सांगण्यात येतं. मीनलने स्वकष्टातून रुबिकॉन जीप घेतली असून ही जीप अनेक सोयीसुविधांनी सुसज्ज आहे. यात  क्रूझ कंट्रोल, ड्युअल-झोन ऑटोमॅटिक क्लायमेट कंट्रोल, कीलेस 'एंटर अँड गो', पुश बटण स्टार्ट आणि अशा अनेक गोष्टी समाविष्ट करण्यात आल्या आहेत.

दरम्यान, मीनल एक उत्तम डान्सर आहे. यासोबतच तिला अभिनयाची आवड देखील आहे. तिने मॉडेलिंग केलं असून 2017 मध्ये एम टीव्हीच्या 'रोडीज' या लोकप्रिय रिअॅलिटी शोमध्ये ती स्पर्धक म्हणून झळकली होती. यात कठीण टास्क खेळून ती सेमी फायनलिस्ट झाली होती. मीनलने नानचाकू आणि मार्शलआर्टचेही प्रशिक्षण घेतलं आहे.