Video: लक्ष्मीपूजनाला सासूबाईंचे धुतले पाय अन्...; 'बिग बॉस' फेम जान्हवी किल्लेकरचं होतंय कौतुक

लक्ष्मीपूजनाला जान्हवी किल्लेकरने सासूबाईंसोबतचा व्हिडीओ शेअर केलाय. या व्हिडीओचं सगळीकडे कौतुक होतंय

बिग बॉस मराठीचं घर गाजवणारी लोकप्रिय अभिनेत्री म्हणजे जान्हवी किल्लेकर. जान्हवीला आपण बिग बॉस मराठी ५ मध्ये पाहिलं. जान्हवीने उत्कृष्ट खेळाच्या जोरावर बिग बॉसच्या ग्रँड फिनालेपर्यंत मजल मारली. जान्हवीने ग्रँड फिनालेला ९ लाखांची बॅग घेऊन खेळ सोडला होता.  जान्हवीने घेतलेल्या त्या निर्णयाचं खूप कौतुक झालं. जान्हवी बिग बॉस मराठीनंतर सोशल मीडियावर सक्रीय आहे. जान्हवीने नुकत्याच पोस्ट केलेल्या एका व्हिडीओचं कौतुक होतंय. या व्हिडीओत जान्हवी तिच्या सासूबाईंची पूजा करताना दिसतेय.

जान्हवीने केली सासूबाई अन् जाऊबाईंची पूजा

जान्हवी किल्लेकरने लक्ष्मीपूजनाच्या दिवशीचा एक व्हिडीओ शेअर केलाय. यात जान्हवीच्या सासूबाई सोफ्यावर बसलेल्या दिसत आहेत. जान्हवी आणि तिचा नवरा सासूबाईंचे दुधाने पाय धूत असून त्यांची पूजा करताना दिसत आहेत. शेवटी जान्हवी डोकं झुकवून सासूबाईंच्या पाया पडताना दिसतेय. फक्त सासूबाईच नाही तर जान्हवीने तिच्या जाऊबाई आणि घरातल्या लहान मुलींचे पाय धुवून त्यांची पूजा केलेली दिसली. जान्हवीच्या या व्हिडीओचं सध्या सगळीकडे कौतुक होतंय. 

जान्हवीच्या संस्कारांचं होतंय सगळीकडे कौतुक

"खरंच जानवी खूप छान खर तर तू लक्ष्मी आहे तुझा येवढं कोणी नाही करत आज काल मस्त",  "Big bos मध्ये तू जशी होती तशी रियल मध्ये नाही खूप छान वाटले तुझी आई ची शिकवण धन्य आहे तू पण आणि तुझी आई पण.. मराठी संस्कृती", "जान्हवी ताई तुमचा हा व्हिडिओ बघून डोळ्यात अश्रू आले तुमच्या कडून काही तरी शिकायला भेटलं पुढच्या वर्षी आम्ही आमच्या घरी असच सगळ्याचे पूजा करू", अशा कमेंट्स करुन चाहत्यांनी जान्हवीवर कौतुकाचा वर्षाव केलाय