Bigg boss फेम मीरा अन् जयचं नेमकं चाललंय का? 'जीव रंगलाय गो' म्हणत शेअर केला रोमॅण्टिक व्हिडीओ

Jay dudhane-meera jagannath: ही जोडी कायमच एकमेकांसोबतचे फोटो चाहत्यांसोबत शेअर करत असतात. मात्र, यावेळी त्यांनी थेट रोमॅण्टिक व्हिडीओ शेअर केला आहे.

छोट्या पडद्यावरील वादग्रस्त पण तितकाच लोकप्रिय असलेला शो म्हणजे बिग बॉस मराठी (Bigg boss marathi 2) आतापर्यंत या शोचे ४ पर्व पार पडले असून या शो मध्ये सहभागी झालेल्या सेलिब्रिटी स्पर्धकांची आजही नेटकऱ्यांमध्ये चर्चा होते. यात सध्या दुसऱ्या पर्वात सहभागी झालेल्या मीरा जगन्नाथ आणि  जय दुधाणे या जोडीची चर्चा रंगली आहे. या दोघांचा एक रोमॅण्टिक व्हिडीओ सोशल मीडियावर व्हायरल झाला आहे.

'बिग बॉस'च्या माध्यमातून घराघरात पोहोचलेली ही जोडी सोशल मीडियावर कमालीची सक्रीय असून ते कायम चाहत्यांच्या संपर्कात राहण्याचा प्रयत्न करतात. विशेष म्हणजे ही जोडी कायमच एकमेकांसोबतचे फोटो चाहत्यांसोबत शेअर करत असतात. मात्र, यावेळी त्यांनी थेट रोमॅण्टिक व्हिडीओ शेअर केला आहे. हा व्हिडीओ सध्या सोशल मीडियावर व्हायरल होत आहे. इतकंच नाही तर ही जोडी एकमेकांना डेट करतीये की काय असा प्रश्नही अनेकांना पडला आहे. परंतु, हा व्हिडीओ एका म्युझिक अल्बमचा भाग आहे. त्यामुळे त्यांच्या अफेअर्सच्या चर्चांना पूर्णविराम मिळाला आहे.

व्हायरल होत असलेला व्हिडीओ सप्तसूर म्युझिकच्या 'जीव रंगलाय गो' या नव्या म्युझिक अल्बमचा आहे. या अल्बममधील 'इश्काचं तुफान उठलंय गो, दर्याला वादल सुटलंय गो' या गाण्यात जय-मीराची जोडी झळकली आहे. यापूर्वीही या दोघांनी एका म्युझिक अल्बममध्ये एकत्र काम केलं आहे.