नऊवारी लयभारी! 'परदेसी गर्ल' इरिना रुडाकोवाचा नवा व्हिडीओ, वैभवही दिसला सोबत

'बिग बॉस मराठी'च्या पाचव्या पर्वातील सदस्य कोणत्या ना कोणत्या कारणामुळे चर्चेत येत असतात.

Vaibhav Chavan And Irina Rudakova : 'बिग बॉस मराठी'च्या (bigg Boss Marathi ) पाचव्या पर्वातील सदस्य कोणत्या ना कोणत्या कारणामुळे चर्चेत येत असतात. सोशल मीडियावर ते कायमच त्यांच्या फोटो, व्हिडीओमुळे प्रसिद्धीझोतात येतात. यंदाच्या पर्वात पहिल्या दिवसापासून काही स्पर्धकांची चांगली गट्टी जमली होती. 'बिग बॉस'च्या घरात निक्की-अरबाजसह आणखी एका जोडीची चर्चा रंगली ती जोडी म्हणजे वैभव-इरिनाची आहे. नुकताच वैभव चव्हाण आणि इरिना रुडाकोवाचा एक व्हिडीओ सोशल मीडियावर तुफान व्हायरल होत आहे. 

नऊवारी साडी नेसून इरिनाने साज शृंगार करत एक व्हिडीओ शूट केला आहे. तर कपाळी चंद्रकोर, नाकात नथ अशा लूकमध्ये परदेसी गर्ल पाहायला मिळते आहे, व्हिडीओमध्ये तिच्यासोबत वैभव देखील आहे. त्यांच्या या व्हिडीओवर नेटकऱ्यांनी लाईक्स आणि कमेंट्सचा वर्षाव केलाय. हा व्हिडीओ पाहून अनेकजण या जोडीला पसंती दर्शवित आहेत. 'नुसतं मराठी' असं कॅप्शन देत इरिनाने हा व्हिडीओ सोशल मीडियावर पोस्ट केल्याचं पाहायल मिळतंय.

‘बिग बॉस मराठी’ संपल्यानंतर आता इरिना व वैभव दोघे एकत्र दिसत आहेत. काही दिवसांपूर्वीच वैभव- इरिनाने  बारामतीत गेल्यावर सूरज चव्हाणची भेट घेतली. त्यानंतर कोल्हापुरात जाऊन ते धनंजय पोवारलाही भेटले. इरिना मूळची परदेशी असली तरीही ती गेल्या अनेक वर्षांपासून मुंबईत राहत आहे. बिग बॉसच्या घरात सर्वात जास्त मराठी संस्कृती जपणारी मुलगी म्हणून, रितेश देशमुखने भाऊच्या धक्क्यावर इरिना रुडाकोवाचं कौतुक केलं होतं. अशातच इरिनाच्या व्हिडीओने नेटकऱ्याचं लक्ष वेधलं आहे. या व्हिडीओमधील इरिनाचा नऊवारी साडीतील पारंपरिक अंदाज नेटकऱ्यांच्या पसंतीस उतरला आहे.