Bigg Boss Marathi: 'बिग बॉस मराठी' सीझन-४ येतोय! डोळ्यात अंगार अन् रंग मनाला भिडणार; टीझर प्रदर्शित, पाहा...

Bigg Boss Marathi: बिग बॉस मराठीचा सीझन-४ लवकरच प्रेक्षकांच्या भेटीला येणार आहे. कलर्स मराठीच्या इन्स्टाग्राम पेजवर याचा टीझर प्रदर्शित करण्यात आला आहे. टेलिव्हिजन मनोरंजन क्षेत्रात बिग बॉस मराठीच्या आजवरच्या तीन सीझनला प्रचंड प्रतिसाद मिळाला आहे. त्यामुळे या नव्या सीझनमुळेही प्रेक्षकांची उत्कंठा शिगेला पोहोचली आहे. 

बिग बॉस सीझन-४ चा टीझरसमोर येताच आता या सीझनमध्ये बिग बॉसच्या घरात नेमकं कोण-कोण दिसणार याची चर्चा सुरू झाली आहे. यंदाचं सीझन वेगळं असणार असल्याचं दिसून येत आहे. रंग मनाला भिडणारे अशा हॅशटॅगसह टीझर प्रदर्शित करण्यात आला आहे. घरात रंगणारे राडे, नवनवीन टास्क, सदस्यांमधील मैत्री आणि वाद या सगळ्याच कारणांसाठी तीनही सीझन लोकप्रिय ठरले. यात तिसऱ्या सीझनच्या स्पर्धकांनी तर प्रेक्षकांना अक्षरश: वेड लावलं. या सीझनमधील स्पर्धक आजही प्रेक्षकांचं मनोरंजन करण्यात कसर सोडत नाहीत. त्यामुळेच या स्पर्धकांसारखे नवे स्पर्धक वा नवा सीझन कधी भेटीला येणार ही एकच उत्सुकता प्रेक्षकांना लागून राहिली होती. आता टीझरमुळे नव्या सीझनची वेळ आता जवळ आली आहे. प्रेक्षकांचं पुरेपूर मनोरंजन करणारा बिग बॉस मराठी या शोचं चौथं पर्व लवकरच प्रेक्षकांच्या भेटीला येणार आहे.