सलमान खाननेही निक्कीला शिकवलेला धडा; मराठी अभिनेत्री म्हणते, "रितेश सर, जरा शिका"

हिंदी बिग बॉसमध्ये सलमानने निक्कीला शिकवलेला धडा, तो व्हिडिओ शेअर करत अभिनेत्री म्हणते...

Bigg Boss Marathi Season 5: बिग बॉस मराठी सीझन पाचच्या ग्रँड फिनालेला काहीच दिवस राहिले आहेत. यंदा १०० नव्हे तर ७० दिवसातच शो संपणार आहे. मागच्या अरबाज पटेल एलिमिनेट झाला.  सध्या घरात वर्षा, निक्की, अभिजीत, पॅडी, अंकिता, जान्हवी, धनंजय आणि सूरज हे आठ स्पर्धक राहिले आहेत. अरबाज गेल्यानंतर निक्की तिचे नखरे दाखवत आहे. घरातील कामांवरुन ती इतर सदस्यांशी हुज्जत घालत आहे. बिग बॉसचे एपिसोड पाहून अनेक मराठी कलाकार सोशल मीडियावर व्यक्त होत असतात. नुकतंच एका अभिनेत्रीने रितेशला सलमान आणि महेश मांजरेकरांकडून शिक असा सल्ला दिला आहे. 

घरात निक्की तांबोळीचे नखरे पाहून मराठी अभिनेत्री प्रणित हाटे (Pranit Hate) भडकली आहे. तिने हिंदी बिग बॉस १४ (Bigg Boss 14) चा एक एपिसोड शेअर केला. ज्यामध्ये निक्की तांबोळी (Nikki Tamboli) राखी सावंतसोबत (Rakhi Sawant) झालेल्या भांडणांमुळे राखीचा बेड साफ करत नाही. यावरुन सलमान खान (Salman Khan) तिच्यावर भडकतो. इतकंच नाही तर तो स्वत: घरात येत राखीचा बेड साफ करतो. हे पाहून सर्व स्पर्धकांना वाईट वाटतं. निक्कीचाही चेहरा पडतो. सलमान म्हणतो, 'बेड साफ करणं तुझी ड्युटी होती. हेच जर सीरियल किंवा सिनेमाच्या शॉटसाठी करायचं असतं तर तुम्ही फुल परफॉर्मन्सने केलं असतं.' 

प्रणितने हा व्हिडिओ शेअर करत लिहिले, 'याला म्हणतात माज उतरवणं. रितेश सरांनी सलमान आणि महेश सरांकडून शिकायला हवं होतं."

बिग बॉस निक्कीचीच बाजू घेत आहेत यावरुन सध्या खूप टीका होत आहे. आता या आठवड्यातील भाऊच्या धक्क्यावर रितेश कोणाला सुनावणार हे पाहणं महत्वाचं असणार आहे. ६ ऑक्टोबर रोजी सीझनचा ग्रँड फिनाले रंगणार आहे. कोण ट्रॉफी जिंकणार याकडे सगळ्यांचं लक्ष आहे.