Bigg Boss Marathi Season 5: निक्की आणि अरबाजमध्ये वादाची ठिणगी, कोणामुळे उडतायेत दोघांमध्ये खटके?

Bigg Boss Marathi Season 5: निक्की तांबोळी आणि अरबाज पटेल पहिल्या दिवसापासून एकमेकांच्या मैत्रीबद्दल पॉझिटिव्ह असल्याचे पाहायला मिळाले. पण आता मात्र त्यांच्यात वादाची ठिणगी पडली आहे.

बिग बॉस मराठीचा पाचवा सीझन (Bigg Boss Marathi Season 5) काही दिवसांपूर्वी प्रेक्षकांच्या भेटीला आला आहे. बिग बॉसच्या घरात टास्कच्या दरम्यान वादावादी सुरू असते. यातून अनेकदा घरातील स्पर्धक आक्रमक होताना दिसतात. दरम्यान 'बिग बॉस मराठी'च्या आजच्या भागात प्रेक्षकांना जान्हवी(Janhvi Killekar)मुळे अरबाज (Arbaz Patel) आणि निक्की(Nikki Tamboli)मध्ये खटके उडताना दिसणार आहेत. घरातील हा दंगा पाहताना प्रेक्षकांना मजा येईल. निक्की तांबोळी आणि अरबाज पटेल पहिल्या दिवसापासून एकमेकांच्या मैत्रीबद्दल पॉझिटिव्ह असल्याचे पाहायला मिळाले. पण आता मात्र त्यांच्यात वादाची ठिणगी पडली आहे.

प्रोमोमध्ये निक्की अरबाजला हात जोडून विनंती करत म्हणतेय,"अरबाज घराकडे जा...माझ्याकडे येऊ नको". पुढे अरबाज निक्कीला म्हणतो,"तुझ्यासोबत जसे मी वागतो तसेच आता मी त्याच्यासोबत वागणार". त्यानंतर निक्की घन:श्याम आणि वैभवला म्हणते,"अरबाज 'त्या' मुलीकडे कसा जाऊ शकतो? ज्या मुलीच्या विरोधात मी गेले होते. त्याला ट्रॉफी द्या नाहीतर वेड लागेल त्याला".

'बिग बॉस मराठी'च्या घरात दिवसेंदिवस वादाचे प्रमाण वाढायला सुरुवात झाली आहे. पहिल्या आठवड्यात शांत असणारे सगळे सदस्य आता आपल्या मुद्द्यासाठी भांडत आहेत. सदस्यांचे खरे रंग आता प्रेक्षकांना दिसायला लागले आहेत.