सेलिब्रिटीच असेल ‘बिग बॉस’चा विनर?

ग�

��ल्या आठवड्यात बिग बॉसच्या घरातून बाहेर पडलेल्या नवीन प्रकाश याच्या मते, बिग बॉस दहाचा विनर सेलिब्रिटीच असू शकतो. कारण सामान्य नागरिकांच्या तुलनेत सेलिब्रिटीजना प्रेक्षकांची अधिक मते मिळतात. 
‘सेलिब्रिटी विरुद्ध सामान्य नागरिक’ या थीमवर बिग बॉस-१० चा सीजन असून, आतापर्यंत सामान्य नागरिक यांनाच घराबाहेर पडावे लागले. त्यामध्ये नवीन प्रकाश याचेही नाव आहे. त्याच्या मते, सामान्य नागरिकांना प्रेक्षक मोठ्या मुश्किलीने ओळखतात. त्यांच्या तुलनेत सेलिब्रिटजच्या फॅन्सची संख्या अधिक असते. त्यामुळे त्यांना मिळत असलेली मते ही सामान्य नागरिकांच्या तुलनेत अधिक आहेत. याचा अर्थ आम्हाला शोच्या फॉरमॅटवर प्रश्नचिन्ह उपस्थित करता येत नाही. कारण ‘बिग बॉस’ हा शो असाच आहे. 
त्यामुळे जेव्हा तुम्हाला शोमध्ये सहभागी होण्याची संधी मिळते, तेव्हापासूनच तुम्हाला सेलिब्रिटीजच्या तुलनेत रहावे लागते. बिग बॉसच्या घरातील माझ्या प्रवासाबाबत विचाराल तर मी पहिल्या दिवसापासूनच घरात सक्रीय स्पर्धक होतो. मला शक्य होईल, तेवढी फाइट मी सेलिब्रिटीजना देण्याचा प्रयत्न केला. माझी सेलिब्रिटीज सोबतची केमिस्ट्रीही चांगली होती. माझ्या मते या शोचा विनर गौरव चोपडा ठरू शकतो. कारण तो ज्या पद्धतीने घरात खेळत आहे, त्यावरून त्याच्या जिंकण्याची शक्यता अधिक आहे. 
इतर स्पर्धकांबाबत बोलायचे झाल्यास ते प्रेक्षकांचे नक्कीच चांगले मनोरंजन करीत आहेत, असेही नवीन प्रकाश याने सांगितले. नवीनने बिग बॉसच्या घरात अ‍ॅक्टिव्ह सदस्यांपैकी एक होता. त्यामुळे तो आणखी काही काळ बिग बॉसच्या घरात राहू शकेल असे बोलले जात होते. मात्र गेल्या आठवड्यातच त्याला घराबाहेर पडावे लागले.