‘चला हवा येऊ द्या’फेम विनित भोंडे अडकला विवाहबंधनात,लग्नात असा होता दोघांचा अंदाज

क�

��शल बद्रिके,सागर कारंडे,भारत गणेशपुरे, भाऊ कदम, डॉ. निलेश साबळे आणि श्रेया बुगडे रसिकांचे मनोरंजन करण्यात कोणतीही कसर सोडत नाहीत.रसिकांना ते पोटधरुन हसवतात.याच थुकरटवाडीत आणखी एक सदस्य होता जो रसिकांना खळखळून हसवायचा.त्याची मूर्ती लहान होती तरी किर्ती महान होती.त्याची थुकरटवाडीच्या मंचावरील एनर्जी पाहून सगळेच त्याला छोटे पॉकेट में बडा धमाका असं म्हणायचे.त्या विनोदवीराचे नाव म्हणजे विनीत भोंडे.निशिकांत कामत यांच्या 'डोंबिवली फास्ट' या सिनेमातून विनीतने अभिनयाची कारकिर्द सुरु केली.मात्र त्याला खरी ओळख मिळवून दिली ती 'चला हवा येऊ द्या' कॉमेडी शोने.कधी हवालदार म्हणून तर कधी लहान मुलगा बनून त्याने रसिकांना हसवलं.आता विनोदवीर विनीतने सोनम पवारसह रेशीमगाठीत अडकत आपल्या आयुष्याची नवी सुरूवात केली आहे. सोनम आणि विनीत दोघेही औरंगाबादचे आहेत.त्यामुळे मोठ्या थाटात पारंपारीक विवाह पद्धतीने हा विवाहसोहळा 4 मार्चला औरंगाबाद येथे संपन्न झाला.या लग्नसोहळ्याला विनित आणि सोनमचे कुटुंबीय,नातेवाईक यांच्यासह मित्र-मैत्रिणींनी हजेरी लावली होती.या नवदाम्पत्याच्या विविध अदा,लग्नातील धम्माल मस्ती सोशल मीडियावर शेअर केलेल्या या फोटोत पाहायला मिळतेय.




सोनम पवार आणि विनित भोंडेचे हे अरेंज मॅरेज आहे.कुटूंबियांनी विनित भोंडेंसाठी मुलगी पसंत केली. विनित आणि सोनमने एकमेकांना पसंती दिल्यानंतर त्यांनी लग्न करण्याचा निर्णय घेतला.फेब्रुवारी महिन्यातच कुटुंबीय आणि मित्रांच्या उपस्थितीत औरंगाबाद इथेच दोघांचा साखरपुडा पार पडला होता.सोशल मीडियावर विनितचे लग्नाचे फोटो पाहून रसिकांनीही त्याच्यावर शुभेच्छांचा वर्षाव केल्याचे पाहायला मिळत आहे.साखरपुडा झाल्यापासून विनितच्या लग्नाचे काऊंड डाऊन सुरू झाल्याचे पाहायला मिळाले.आता विनित आपल्या पत्नीसह हनीमूनसाठी अंदमान निकोबारला जाणार असल्याचे त्याने दिलेल्या एका मुलाखतीत सांगितले आहे.सोनम सध्या पुण्यात नर्सिंगचे शिक्षण घेत आहे.त्यामुळे तिची परिक्षा संपल्यानंतर विनीत हनीमुनसाठी रवाना होणार असल्याचेही त्याने सांगितले आहे.


कॉमेडीचे भन्नाट टायमिंग आणि धम्माल मस्ती यामुळे थुकरटवाडीतील या विनोदवीरांचा 'चला हवा येऊ द्या' हा शो तुफान लोकप्रिय ठरला आहे.या कार्यक्रमात मराठीसोबतच बॉलिवूडमधील अनेक सेलिब्रेटींनी हजेरी लावली आहे.पोस्टमन काका, शांताबाई, जज, वकील, मामा-भाचे, सासू- सून, पुणेरी बाई अशी वेगवेगळी पात्रं आपल्या जगण्याचा भाग बनली. मराठी सिनेमा आणि नाटकांसाठी या कार्यक्रमाने हक्काचे व्यासपीठ मिळवून दिले.