CONGRATULATIONS! ​चंदन प्रभाकरच्या घरी चिमुकल्या परीचे आगमन

'

;'एक चायवाला जो देश सँभाल रहा है,और दुसरा चायवाला जो कपिल का शो सँभाल रहा है''.असे ज्याच्याविषयी बोलले जाते कॉमेडीयन चंन्दन प्रभाकर कपिल शर्माच्या शोमध्ये चायवाला बनत त्याने रसिकांचे तुफान मनोरंजन केले.आज तो कपिल शर्माच्या टीममध्ये नसला तरीही भलताच खुश आहे,त्याला कारणही तसे खासच आहे.कारण चन्दन प्रभाकरच्या घरी एका छोट्या चिमुकलीचे आगमन झाले आहे.होय, चन्दन प्रभाकरच्या घरी चिमुकल्या परीच्या येण्याने घरांतही आनंदाचे वातावरण निर्माण झाले आहे. आजच त्याने ही  आनंदाची बातमी फेसबुकच्या माध्यमातून चाहत्यांसह शेअर केली आहे.खरे तर गेल्या काही दिवसांपासून कपिल शर्मा आणि सुनील ग्रोव्हर यांच्या झालेल्या वादामुळे कपिल शर्माच्या शोमधील सगळे कॉमेडीयन चर्चेत होते.याच कारणामुळे सध्या कपिलही खूप चिंतेत असल्याचे दिसतेय. मात्र चंदन प्रभाकरच्या घरी चिमुकलीच्या येण्याने तो आज मै ऊपर आसमाँ निचे अशी काहीशी अवस्था त्याची झाली आहे.चंदनने दोन वर्षा आधी नंदिनी खन्नासह लग्न केले होते.या दोघांचे हे पहिले आपत्य आहे.सध्या चंदन काही दिवस तरी त्याच्या बाळासह,कुटुंबासह एन्जॉय करणार आहे.त्यात कपिलच्या शोचे शूटिंग त्याने बंद केले आहे. त्यामुळे ही वेळ आहे सेलिब्रेशनची म्हणत त्याने काही दिवसांचा ब्रेकही घेतला असल्याचे कळतंय.कॉमेडियन  कपिल शर्मा आणि त्याचा टीममेट सुनील ग्रोव्हर यांच्यातील वाद आणि मारहाणीच्या बातमीने अलिकडे सगळ्यांचेच लक्ष वेधले होते.  काही दिवसांपूर्वी  आॅस्ट्रेलियातील सिडनी आणि मेलबर्नमधील शो संपवून मुंबईत परत येत असताना  कपिलने त्याच्या शोमध्ये डॉ. गुलाटी आणि रिंकू भाभीची भूमिका साकाणा-या सुनील ग्रोव्हरला  मारहाण केली होती.यामुळे सुनील खूप दुखावल्याचे वृत्त पाठोपाठ मीडियात उमटले. तेव्हापासून सुनील कपिलच्या शोमध्ये परतलेला नाही. त्याच्यासोबत  अली असगर आणि चंदन प्रभाकर यांनीही कपिलच्या शोमध्ये न परतण्याचा निर्णय घेतला आहे.