जस्ट मॅरिड! हास्यजत्रेतील लोकप्रिय कलाकार लग्नबंधनात अडकला, Photos व्हायरल

हास्यजत्रेतील कलाकाराचं क्लासी प्रिवेडिंग फोटोशूट

'महाराष्ट्राची हास्यजत्रा' कार्यक्रमातून सर्वच कलाकार आज प्रसिद्धीच्या शिखरावर पोहोचले आहेत. प्रेक्षकांना खळखळून हसवणारे हे कलाकार आता स्टार झालेत. त्यांच्या वैयक्तिक आयुष्यात काय चालू असतं याचीही चाहत्यांना उत्सुक असते. तर याच स्टार्सपैकी एक कलाकार म्हणजे दत्तू मोरे (Dattu More) लग्नबंधनात अडकला आहे. प्रिवेडिंगचे काही फोटो त्याच्या इन्स्टाग्रामवर पोस्ट करण्यात आलेत.

दत्तूने स्वाती घुनागे  हिच्यासोबत लग्न केले असून त्यांचे कपल फोटो काही क्षणात व्हायरल होत आहेत. 'फ्रेमफायर स्टुडिओ' या इन्स्टाग्राम पेजवरुन हे फोटो शेअर करण्यात आलेत. क्लासी प्रिवेडिंग फोटोशूट त्यांनी केलेलं दिसतंय. 'जस्ट मॅरिड' असं कॅप्शन त्याने फोटोंना दिलंय. हास्यजत्रेतील इतर कलाकारांनी त्याला कमेंट करत शुभेच्छा दिल्या आहेत. 

दत्तू मोरे त्याच्या हटके डान्स स्टाईलमुळे ओळखला जातो. समोर कितीही दिग्गज असले तरी तो त्याची वेगळी छाप सोडतोच. दत्तू मूळचा ठाण्याचा असून चाळीत लहानाचा मोठा झाला. हास्यजत्रेत लोकप्रिय होताच तो राहत असलेल्या चाळीला 'दत्तू चाळ' असं नाव देण्यात आलं. तो क्षण त्याच्यासाठी नक्कीच खास होता.