राधा प्रेम रंगी रंगली मालिकेमध्ये राधासमोर येणार दीपिकाचं खरं रूपं

र�

��धा प्रेम रंगी रंगली या मालिकेत निंबाळकर यांच्याकडे होळी आणि रंगपंचमी साजरी झाली खरी... पण दीपिकाने तिची नवी खेळी खेळायला सुरुवात केली आहे. कारण, प्रेम राधा मध्ये हळूहळू अडकत चालला आहे याची कल्पना दीपिकाला येऊ लागली आहे. रंगपंचमीच्या दिवशी प्रेम आणि राधा मधील जवळीक बघून दीपिकाने ती गरोदर असल्याचे राधाला नुकतेच सांगितले. हे कळल्यावर राधाला धक्का बसला आणि राधा कोणलाही न सांगता निघून गेली. दीपिकाने राधाला काहीतरी नक्कीच सांगितले आहे याची शंका प्रेमला आली होती. पण मी राधाला काहीही सांगितले नाही असे दीपिकाने ठामपणे सांगितले होते. राधा कुठे गेली हे कोणालाही माहीत नसल्याने घरामध्ये सगळे अस्वस्थ झालेले असतानाच राधा आता घरी परतणार आहे. राधा मध्ये काहीतरी बदल झाला आहे असेच प्रेमला वाटणार आहे. राधा प्रेमला अनपेक्षित प्रश्न विचारते, ज्यामुळे प्रेम पूर्णत: गोंधळून जाणार आहे. राधा प्रेमला त्याचे दीपिकावर प्रेम आहे का? असेही विचारणार आहे आणि प्रेम त्याला नकार देणार आहे. पण राधावर प्रेम आहे की नाही हे अजून कळत नाही असे म्हटल्यावर राधाला तिचे उत्तर मिळणार आहे. परंतु प्रेम तिला आवडू लागला असल्याचे ती प्रेमला सांगणार आहे आणि प्रेमकडून वचन घेणार आहे की, प्रेम कधीही राधाला सोडून जाणार नाही. प्रेमचा हा अबोलाच राधाला सगळी उत्तरं देऊन जाणार आहे. पण या रंगपंचमी नंतर प्रेमवर राधाच्या प्रेमाचा रंग चढणार का? दीपिकाची खेळी तिच्यावरच उलटणार का? राधा–प्रेम मध्ये हळूहळू फुलणाऱ्या या प्रेमाला दीपिकाची नजर तर लागणार नाही? राधा आता खंबीरपणे प्रेमच्या बरोबर उभी आहे, हे कळल्यावर दीपिका आता कसं प्रेमला ब्लॅकमेल करणार का? प्रेम नक्की कुठला मार्ग स्वीकारेल हे बघणे नक्कीच रंजक असणार आहे यात शंका नाही.
दीपिकाचे खरे रूप कळल्यानंतर राधा पहिल्यांदा प्रेमच्या बाजूने उभी राहिली आहे. त्यामुळे या सगळ्यामध्ये दीपिकाचे स्वार्थी प्रेम जिंकणार की राधाचा विश्वास हे राधा प्रेम रंगी रंगली या मालिकेच्या आगामी भागांमध्ये प्रेक्षकांना पाहायला मिळणार आहे. 

Also Read : ''राधा प्रेम रंगी रंगली” मालिकेमध्ये प्रेम आणि राधा अडकणार का दिपीकाच्या जाळ्यात?