जामकर जोमात, बाकी सगळे कोमात! ‘Devmanus 2’च्या इन्स्पेक्टरचा डान्स पाहून नेटकरी सैराट!!
By ऑनलाइन लोकमत | Published: May 10, 2022 04:30 PM2022-05-10T16:30:15+5:302022-05-10T16:32:58+5:30
Devmanus 2 : जामकरांच्या परफॉर्मन्सची आंतरराष्ट्रीय पातळीवर दखल..., नाही ना विश्वास बसत? मग बघा व्हिडीओ
जामकर जोमात, बाकी सगळे कोमात! ‘Devmanus 2’च्या इन्स्पेक्टरचा डान्स पाहून नेटकरी सैराट!!
Next ‘देवमाणूस’ (Devmanus ) हा मालिका तुफान गाजली होती. मालिका इतकी लोकप्रिय झाली होती की लगेच याचा दुसरा सीझन आला. अर्थात दुसºया सीझननं प्रेक्षकांची निराशा केली. पहिल्या सीझन इतका हा सीझन गाजताना दिसला नाही. तूर्तास मात्र ‘देवमाणूस’चा दुसरा सीझन अर्थाात ‘देवमाणूस 2’ (Devmanus 2) जाम चर्चेत आहे.
होय, जामकरांमुळे मालिका अचानक चर्चेत आली आहे. आता हे जामकर कोण? हे सांगायला नकोच. काही दिवसांपूर्वीच अभिनेते मिलिंद शिंदे यांची मालिकेत एन्ट्री झालीये. ते इन्स्पेक्टर मार्तंड जामकरची (Martand Jamkar) भूमिका साकारताना दिसत आहेत. याच मार्तंड जामकरांनी सध्या धूम केली आहे. सोशल मीडियावरही त्यांनी अक्षरश: धुमाकूळ घातला आहे. जामकरांचे डान्स व्हिडीओ सोशल मीडियावर तुफान व्हायरल होत आहे. आता तर त्यांच्या परफॉर्मन्सची आंतरराष्ट्रीय पातळीवर दखल घेण्यात आली आहे. नाही ना विश्वास बसत? मग तुम्ही बातमीसोबतचे व्हिडीओ बघायलाच हवेत. (Milind Shinde Dance Video)
जामकरला संशय आहे की अजित या गावात एकटा नसणार. त्याला बज्या, नाम्या आणि डिंपल या तिघांवर शंका आहे. या तिघांपैकी कोणीतरी अजितला मदत करत असेल.नाम्या आणि बज्याची तो चौकशी करतो. त्याला कळतं की या दोघांचा यामध्ये हात नाहीये. उरली डिंपल, सेलिब्रिटी म्हणून तिला फोटो काढण्याच्या बहाण्याने स्टेशनला घेऊन जातो आणि दिवसभर बसवून ठेवतो. अजित ह्याने खूपअस्वस्थ आहे. डिंपलने जर तोंड उघडलं तर जामकरला पुरावे सापडतील. डिंपल तोंड उघडत नाही आणि याचा फायदा घेऊन अजित गावभर पसरवतो की देवमाणसाच्या पत्नीला नव्या पोलीस अधिका-यानं दिवसभर स्टेशनमध्ये बसवून ठेवलं आणि त्रास दिला. याच्यामुळे गावात जामकर विरोधात चर्चा सुरू होते आणि ती जामकारच्या कानावर पडते.
तो प्रायश्चित्त म्हणून दोघांना घरी जेवाणाचे आमंत्रण देतो.जामकर त्यांना जेवण वाढतो आणि म्हणतो की साग्रसंगीत जेवण केलं आहे तुमच्यासाठी. साग्र झालं आता संगीत हवं असं म्हणून दोघांसाठी गाणं म्हणून डान्स करतो. जामकरचा हाच भन्नाट डान्स चाहत्यांना चांगलाच भावतो आहे. पण जामकारच्या अशा वागण्याला अजित- डिंपल मात्र घाबरलेले आहेत.
जामकरचा हाच डान्स, त्याचे डान्स व्हिडीओ सध्या सोशल मीडियावर व्हायरल होत आहेत. त्यांच्या या व्हिडिओवर कमेंट आणि लाईक्सचा वर्षाव होत आहे. त्यांच्या डान्स व्हिडिओवर विविध फनी रील्स सध्या सोशल मीडियावर व्हायरल होताना दिसत आहे.
एकंदर काय तर मार्तंड जामकरांच्या डान्सनं मालिकेच पुन्हा जीव आणला आहे.