संस्कारी गोपी बहूचा अंदाज पाहून भडकले चाहते, होतेय जबरदस्त ट्रोल

साथ निभाना साथिया मालिकेमुळे प्रकाशझोतात आलेली देवोलीना भट्टाचार्जीला आजही चाहते गोपी बहू म्हणूनच जास्त ओळखतात.

साथ निभाना साथिया मालिकेतून घराघरात प्रसिद्ध झालेली गोपी बहू देवोलीना भट्टाचार्जी टीव्ही विश्वातील लोकप्रिय अभिनेत्री आहे. मालिकेत तिने साकारलेली गोपी बहू ही भूमिका आजही रसिकांच्चा लक्षात आहे. त्यामुळे देवोलीनाला आजची चाहते गोपी बहू म्हणूनच जास्त ओळखतात. मालिकेनंतर देवोलीना बिग बॉस १४ मध्ये स्पर्धक इजाज खानची रिप्लेसमेंट म्हणून एंट्री घेतली होती.

सध्या छोट्या पडद्यावर तिचे दर्शन घडत नसले तरी सोशल मीडियावर मात्र ती प्रचंड सक्रीय असते. तिचे विविध फोटो आणि व्हिडीओ ती शेअर करत चाहत्यांचे लक्ष वेधून घेत असते. मुळात ऑन स्क्रिन शांत आणि साधीभोळी दिसणारी गोपी बहू खऱ्या आयुष्यात फारच बोल्ड आहे. 

View this post on Instagram

A post shared by Devoleena Bhattacharjee (@devoleena)

देवोलीनाने तिचा बेली डान्स करतानाचा एक व्हिडीओ सोशल मीडियावर चाहत्यांसह शेअर केला आहे. हा व्हिडीओ पाहून देवोलीनाचा अंदाज काहींना रुचला नाही. त्यामुळे त्यांनी तिला ट्रोल करायला सुरुवात केली. सोशल मीडियावर या आधीही तिने तिचे बोल्ड फोटो शेअर करत चाहत्यांचे लक्ष वेधून घेतले होते. त्यामुळे व्हिडीओत दिसणारा बोल्ड अंदाज देवोलीनासाठी नवीन नाही. अनेकदा तिच्या बोल्ड फोटोंमुळे ती ट्रोल होत असते. त्यामुळे ट्रोलिंगचाही देवोलीनाला फारसा फरक पडत नाही. 

साचेबद्ध कामात न अडकता देवोलीनाला आता हटके काही तरी करण्याची ईच्छा आहे. त्यामुळे काही तरी वेगळेपण असेल त्याच भूमिकेत ती झळकते. सोशल मीडियावर देवोलीना प्रचंड लोकप्रिय आहे. देवोलिना भट्टाचार्जीचे इंस्टाग्रामवर 2.2 मिलियनहून जास्त फॉलोव्हर्स आहेत. दिवसेंदिवस तिच्या फॉलोअर्सच्या संख्येतही वाढ होत आहे.