डान्स करता करता 'डान्स प्लस' फेम रुपेश बने याने केलं शिवालीला प्रपोज?, video होतोय व्हायरल

Shivali parab : शिवालीचा हा व्हिडीओ पाहिल्यावर नेटकऱ्यांनी 'हे खरं आहे का शिवाली?' असं विचारत भन्नाट कमेंट केल्या आहेत.

'महाराष्ट्राची हास्यजत्रा' या सुपरहिट कॉमेडी शोच्या माध्यमातून घराघरात लोकप्रिय झालेली अभिनेत्री म्हणजे शिवाली परब (shivali parab). विनोदाचं अचूक टायमिंग आणि उत्तम अभिनय कौशल्य यांच्या जोरावर शिवालीने अल्पावधीत लोकप्रियता मिळवली. त्यामुळे सोशल मीडियावर ती वरचेवर चर्चेत असते. अलिकडेच तिने स्वत:च्या हक्काचं घर खरेदी केलं आहे. त्यामुळे ती चर्चेत आहे. यामध्येच आता तिचा एक व्हिडीओ सोशल मीडियावर व्हायरल होत असून डान्स प्लसच्या ५ व्या पर्वाचा विजेता रुपेश बने याने चक्क तिला गुलाबाचं फूल देऊन प्रपोज केलं आहे.

अलिकडेच शिवाली आणि रुपेश या जोडीने त्यांचा एक डान्स व्हिडीओ शेअर केला होता. या व्हिडीओमध्ये या जोडीने जबरदस्त डान्स केला होता. त्यानंतर, आता या दोघांनी पुन्हा एक व्हिडीओ शेअर केला आहे. या व्हिडीओमध्ये या दोघांनी कुछ कुछ होता हैं या सिनेमातील कोई मिल गया या गाण्यावर अफलातून डान्स केला आहे. इतकंच नाही तर गाण्याच्या शेवटी रुपेशने शिवालीला गुलाबाचं फूलही दिलं आहे.

दरम्यान, शिवाली आणि रुपेश यांचा हा व्हिडीओ सोशल मीडियावर तुफान व्हायरल होत आहे. या दोघांनी कमाल एक्स्प्रेशन्स देत चाहत्यांची मन जिंकली आहेत. यापूर्वी या जोडीने वेद शर्माच्या ‘Lofi Love’ या गाण्यावर रोमँटिक डान्स केला होता. त्यामुळे त्यांची चर्चा रंगली होती. यामध्येच आता नवा व्हिडीओ आल्यावर पुन्हा या चर्चांनी जोर धरला आहे. विशेष म्हणजे हा व्हिडीओ पाहिल्यावर नेटकऱ्यांनी त्यावर भन्नाट कमेंट केल्या आहेत.  'बस कर पगली प्यार हो जायेगा',  'शिवाली हे खरं आहे?', 'शिवाली आता खरच ग्लॅमरस लूक वाटतो', अशा कितीतरी कमेंट नेटकऱ्यांनी केल्या आहेत.