'रंग माझा वेगळा' फेम हर्षदा खानविलकरच्या बहिणीला पाहिलंत का?, तीदेखील आहे प्रसिद्ध अभिनेत्री

हर्षदा खानविलकर(Harshada Khanvilkar)ची बहिणदेखील सुप्रसिद्ध अभिनेत्री आहे, हे फार कमी लोकांना माहिती आहे.

छोट्या पडद्यावरील लोकप्रिय मालिका रंग माझा वेगळा (Rang Maza Vegala)ने अल्पावधीतच प्रेक्षकांच्या मनात घर केले. या मालिकेतील कार्तिक, दीपा, सौंदर्या, कार्तिकी आणि दीपिका अशा सर्वच पात्रांना प्रेक्षकांची पसंती मिळते आहे. या मालिकेत सौंदर्याची भूमिका अभिनेत्री हर्षदा खानविलकर (Harshada Khanvilkar) साकारते आहे. हर्षदा खानविलकर यांनी बऱ्याच मालिकेत काम केले आहे. मात्र हर्षदा खानविलकरची बहिणदेखील सुप्रसिद्ध अभिनेत्री आहे, हे फार कमी लोकांना माहिती आहे. 

मराठमोळी अभिनेत्री हर्षदा खानविलकर अभिनेत्री मृणाल देशपांडेची बहिण आहे. तसेच अभिनेत्री मृणाल देशपांडे अभिनेत्री समिधा गुरूची थोरली बहिण आहे. समिधा गुरू सध्या कलर्स मराठीवरील ‘शुभमंगल ऑनलाइन’ मालिकेत ऐश्वर्याची भूमिका साकारते आहे. या दोघीही सख्ख्या बहिणी आहेत.खरेतर हर्षदा खानविलकर मृणाल देशपांडेची मानलेली बहिण आहे.

हर्षदा खानविलकर आणि मृणाल देशपांडे यांनी ‘पुढचे पाऊल’ या मालिकेत एकत्र काम केले आहे. या मालिकेच्या दरम्यान हर्षदा आणि मृणाल या दोघींमध्ये अगदी स्पेशल नाते बनत गेले. हे नाते पुढे आणखी घट्ट होत गेले की त्याचे रूपांतर मानलेल्या बहिणीच्या नात्यात झाले. सोशल मीडियावर त्या दोघींचे एकत्र फोटो पाहायला मिळत असतात.