​दिल ही तो है या मालिकेत गीतांजली टिकेकर झळकणार या भूमिकेत

ग�

��तांजली टिकेकरने कही तो मिलेंगे, क्या हासदा क्या हकीगत यांसारख्या मालिकांमध्ये काम केले होते. पण तिला खऱ्या अर्थाने प्रसिद्धी कसोटी जिंदगी की या मालिकेमुळे मिळाली. या मालिकेत तिने साकारलेली अपर्णाची भूमिका प्रेक्षकांना चांगलीच भावली होती. तिने याच मालिकेतील तिचा सहकलाकार सिकंदर खरबंदासोबत लग्न केले. त्या दोघांना एक मुलगा देखील आहे. एक दुजे के वास्ते या मालिकेत गितांजली नुकतीच झळकली होती आणि आता पुन्हा एकदा एका मालिकेत प्रेक्षकांना ती दिसणार आहे. गितांजलीने तिच्या आजवरच्या कारकिर्दीत बालाजी टेलिफ्लिम्सच्या अनेक मालिकांमध्ये काम केले आहे आणि आता पुन्हा एकदा बालाजी टेलिफ्लिम्सच्याच एका मालिकेत ती झळकणार आहे. 
एकता कपूरच्या बॅनरद्वारा निर्मित, सोनी एंटरटेनमेंट टेलिव्हिजनवर प्रदर्शित होणाऱ्या दिल ही तो है या कार्यक्रमात प्रसिद्ध अभिनेत्री गीतांजली टिकेकरचा समावेश करण्यात आला आहे. गीतांजली मुख्य अभिनेत्याच्या आईच्या म्हणजे ममताच्या भूमिकेत दिसून येणार आहे. ममता या भूमिकेबद्दल अधिक माहिती देताना गीतांजली सांगते, “मी या कार्यक्रमातील मुख्य अभिनेत्याच्या आईची भूमिका साकारत आहे. तिचा स्वभाव अगदी तिच्या नावाप्रमाणेच आहे. ती तिच्या घराला महत्त्व देते. मी देखील प्रत्यक्षात अशीच आहे. या कार्यक्रमाची सर्वांत महत्त्वाची गोष्ट म्हणजे एकता बरोबर मी बऱ्याच कालावधीनंतर काम करत आहे. आधी मी तिच्याबरोबर अनेक कार्यक्रमांत काम केले आहे. माझे बालाजी टेलिफिल्म्स बरोबर एकदम छान नाते आहे. मी सोनी वाहिनीवर माझ्या कामाला सुरुवात केली आणि आता परत इथे काम करणे म्हणजे घरी परतल्यासारखेच आहे. या महत्वाकांक्षी कार्यक्रमात काम करायला मी खूप उत्सुक आहे. मला आशा आहे की, प्रेक्षकही या कार्यक्रमाचा तेवढाच आनंद लुटतील."
करण जोहरने दिग्दर्शित केलेला कभी खुशी कभी गम प्रेक्षकांना आता मालिकेच्या रूपात पाहायला मिळणार आहे. दिल ही तो है असे या मालिकेचे नाव असून गीतांजलीसोबतच छोट्या पडद्यावरचे अनेक प्रसिद्ध कलाकार या मालिकेत झळकणार असल्याचे म्हटले जात आहे. रजत टोकस या मालिकेत मुख्य भूमिकेत असल्याची जोरदार चर्चा आहे. पण रजतला याबाबत एका वेबसाईटने विचारले असता अशा कोणत्याही मालिकेविषयी मला माहिती नसल्याचे त्याने सांगितले आहे. 

Also Read : कभी खुशी कभी गम हा चित्रपट पाहायला मिळणार मालिकेच्या रूपात, हा अभिनेता साकारणार मुख्य भूमिका