​उंचीमुळे या अभिनेत्रीच्या लग्नात येतोय अडथळा

स�

��श्मिता सेन, पुत्रा बत्रा, तब्बू या बॉलिवूडमधील प्रसिद्ध अभिनेत्री मानल्या जातात. या अभिनेत्रींच्या अभिनयासोबतच यांच्या उंचीची देखील चर्चा केली जाते. आजच्या नायिकांमध्ये दीपिका पादुकोणची उंची ही सगळ्यात जास्त असून त्यामुळे तिची पर्सनॅलिटी चांगलीच खुलून येते. पण उंचीमुळे एखाद्या अभिनेत्रीच्या लग्नात अडथळा येतोय असे तुम्हाला कोणी सांगितले तर तुम्ही ते मान्य कराल का? पण हे खरे आहे. छोट्या पडद्यावर काम करणाऱ्या एका अभिनेत्रीचे केवळ तिच्या उंचीमुळे लग्न होत नाहीये. या अभिनेत्रीची उंची सहा फूट आहे. 
स्टार प्लस वाहिनीवर एक्कावन ही मालिका नुकतीच प्रेक्षकांच्या भेटीस आली आहे. या मालिकेतील प्राची तेहलानची उंची खूप जास्त असून त्यामुळे तिचे लग्न जमत नाहीये. तिनेच हा खुलासा एक्कावन या मालिकेच्या प्रमोशनच्या वेळी केला आहे. याविषयी प्राची सांगते, माझी आई गेल्या वर्षी माझ्यासाठी मुले शोधण्याचा प्रयत्न करत होती. पण माझ्या उंचामुळे मुले शोधायला खूपच अडचण येत होती. उंचीमुळेच माझे लग्न जमत नाहीये. पण सध्या तरी मी लग्नाचा विषय गुंडाळून ठेवला असून करियरकडे लक्ष देण्याचा विचार केला आहे. 



प्राचीने तिच्या करियरची सुरुवात दिया और बाती हम या मालिकेद्वारे केली. या मालिकेत तिला काम करण्याची संधी कशी मिळाली ही एक मजेशीर गोष्ट आहे, प्राची फेसबुकला पूर्वीपासून खूपच अॅक्टिव्ह असायची. ती अभिनयक्षेत्रात येण्यापूर्वी एक प्रसिद्ध खेळाडू असल्याने तिचे सोशल मीडियावर फॅन पेज होते. तिचे ते पेज पाहून दिया और बातीची क्रिएटिव्ह हेट श्वेता बिश्नोईने तिला मालिकेत काम करण्याची ऑफर दिली आणि अशा प्रकारे तिच्या अभिनयप्रवासाला सुरुवात झाली. प्राची ही मुळची दिल्लीची आहे.
दिया और बाती या मालिकेत काम करायच्या आधी प्राचीने कधीच अभिनय केला नव्हता. त्यामुळे ती अभिनय करू शकेल का यावर तिचा विश्वास नव्हता. याविषयी प्राची सांगते, मी कधीच अभिनय केला नसल्याने मला खूप भीती वाटत होती. पण मालिकेच्या टीमने मला खूप मदत केली. या मालिकेतील माझी भूमिका लोकांना आवडल्याने मला अर्जन या पंजाबी चित्रपटातही काम करण्याची संधी मिळाली. 

Also Read : एकाव्वन या मालिकेत प्राची तेहलान दिसणार मुख्य भूमिकेत