​Exclusive : सिद्धार्थ जाधव आणि तृप्ती जाधव परतणार नच बलियेमध्ये

स�

��द्धार्थ जाधव आणि तृप्ती जाधव यांची जोडी प्रेक्षकांना नच बलियेमध्ये पाहायला मिळाली होती. या जोडीला प्रेक्षकांचा खूप चांगला प्रतिसाद मिळाला होता. सिद्धार्थ आणि तृप्तीचे परफॉर्मन्स अक्षरशः लोकांनी डोक्यावर घेतले होते. त्यांच्या एका परफॉर्मन्सने तर लोक चांगलेच भावुक झाले होते. त्यांचा तो परफॉर्मन्स आजही सोशल मीडियावर चांगलाच गाजत आहे. पण सिद्धार्थ आणि तृप्तीला कमी मते मिळाल्याने त्यांना प्रेक्षकांचा निरोप घ्यावा लागला होता.
सिद्धार्थने केवळ मराठीतच नव्हे तर आज बॉलिवूडमध्ये देखील आपले एक वेगळे स्थान निर्माण केले आहे. गोलमाल या चित्रपटात तो एका महत्त्वाच्या भूमिकेत झळकला होता. त्यानंतर त्याने कॉमेडी सर्कस या कार्यक्रमात त्याची कॉमिक टायमिंग दाखवून दिली. मराठी चित्रपटात तर त्याने एकापेक्षा एक सरस भूमिका साकारल्या आहेत. मराठी इंडस्ट्रीतील एक उत्कृष्ट अभिनेता म्हणून त्याच्याकडे आज पाहिले जाते. सिद्धार्थ छोट्या पडद्यावर अनेक कार्यक्रमात झळकला असला तरी कॅमेऱ्यासमोर येण्याची तृप्तीची ही पहिलीच वेळ होती. पण तरीही तृप्तीने सिद्धार्थला चांगलीच साथ दिली. सिद्धार्थ आणि तृप्ती कार्यक्रमातून बाहेर पडल्यामुळे त्याच्या चाहत्यांना चांगलाच धक्का बसला होता. पण आता त्यांच्या चाहत्यांसाठी एक खुशखबर आहे. सिद्धार्थ आणि तृप्ती नच बलियेमध्ये परतणार आहेत.
नच बलियेमधील वाइल्ड कार्ड एंट्रीद्वारे सिद्धार्थ आणि तृप्तीची कार्यक्रमात लवकरच एंट्री होणार आहे. त्यांनी या कार्यक्रमाच्या चित्रीकरणाला सुरुवात देखील केली असल्याचे कळतेय. 
सिद्धार्थ आणि तृप्तीच्या परत येण्याने त्यांचे फॅन्स प्रचंड खूश होणार यात काही शंकाच नाही. सिद्धार्थची लोकप्रियता पाहाता सिद्धार्थ आणि तृप्ती नच बलियेच्या किताबावर कब्जा करतील अशी आशा करायला काहीच हरकत नाही. 
सिद्धार्थ आणि तृप्तीचा परफॉर्मन्स सोशल मीडियावर दोन लाखाहून अधिक लोकांनी पाहिला आहे. सिद्धार्थचे फॅन्स त्याला सोशल मीडियाला जसा प्रतिसाद देत आहे तशीच त्यांनी त्याला मते दिली तर सिद्धार्थ आणि तृप्ती नच बलिये जिंकतील असा त्याच्या चाहत्यांना विश्वास आहे.