अखेर Bigg Boss Marathi 3चा विजेता विशाल निकमची 'सौंदर्या' आली समोर, दिसायला आहे खूपच सुंदर

Bigg Boss Marathi 3 फेम विशाल निकम (Vishal Nikam) पुन्हा एकदा चर्चेत आला आहे आणि तेही सौंदर्यामुळे.

कलर्स मराठीवरील लोकप्रिय रिएलिटी शो बिग बॉस मराठी (Bigg Boss Marathi 3)चा तिसरा सीझन नुकताच संपला आहे तरीदेखील अजूनही हा शो चर्चेत आहे. हा शो संपून काही दिवस झाले असले तरी या शोमध्ये सहभागी असलेल्या कलाकारांची अजूनही चर्चा होताना दिसते आहे. यंदाच्या पर्वाचा विजेता विशाल निकम (Vishal Nikam) ठरला आहे. त्याला २५ लाखाच्या चेकसोबत ट्रॉफी देखील मिळालेली आहे. विशाल निकम पुन्हा एकदा चर्चेत आला आहे आणि तेही सौंदर्यामुळे.

बिग बॉस मराठी ३ शोमध्ये त्याने अनेकदा सौंदर्याचे नाव घेतले होते. तसेच त्याची आई देखील या शोच्या ग्रँड फिनालेमध्ये सहभागी झाली होती. त्याच्या आईने देखील सौंदर्याचे नाव काढले होते. मात्र, विशालने मध्येच तिला थांबवून इथे सौंदर्याचे नाव घेऊ नको, असे म्हटले होते. त्यानंतर या नावाची पुन्हा एकदा चर्चा होऊ लागली. त्यामुळे अनेकांना असा प्रश्न पडला होता की, सौंदर्या नेमकी आहे तरी कोण ? तिच्याविषयी अनेकांना जाणून घेण्याची उत्सुकता होती.

आता विशाल निकम याचा एक व्हिडिओ आणि काही फोटो देखील व्हायरल होताना दिसत आहेत. या फोटोमध्ये तो एका तरुणीसोबत दिसत आहे. ही तरुणी दुसरी तिसरी कोणी नसून त्याच्यासोबत काम केलेली अभिनेत्री अक्षया हिंदळकर ही आहे. 'साता जन्माच्या गाठी' या मालिकेमध्ये विशाल निकम आणि अक्षया यांनी एकत्र काम केले होते. या मालिकेत अक्षयाने श्रुती‌ ही भूमिका साकारली होती. त्यामुळे आता विशाल निकम याची सौंदर्या नेमकी हीच आहे का? असा सवाल केला जात आहे. हा फोटो व्हायरल होत असल्याने विशाल निकम याची सौंदर्य हीच आहे, असेही अनेकांनी म्हटले आहे. मात्र, विशाल निकम याने याबाबत अजून तरी खुलासा केलेला नाही.