तू मला आनंद देतोस, म्हणत गायत्री दातारने शेअर केला हा फोटो

गायत्रीच्या या फोटोला 18 हजारहून अधिक लाईक मिळाले आहेत. या फोटोप्रमाणेच या फोटोसोबत लिहिलेल्या कॅप्शनची चांगलीच चर्चा रंगली आहे.

ठळक मुद्देगायत्री या फोटोत खूपच बोल्ड अँड ब्युटिफूल दिसत असून तिचा हा फोटो सोशल मीडियावर चांगलाच व्हायरल झाला आहे.

गायत्री दातार सोशल मीडियावर चांगलीच सक्रिय असते. ती तिचे फोटो, व्हिडिओ सोशल मीडियावर शेअर करत असते. गायत्रीने तिचा मेकओव्हर केला असून तिच्या या नवीन लूकमधील तिचे फोटो सोशल मीडियावर शेअर करत असते. 

गायत्री दातार सध्या फिरायला गोव्याला गेली असून तिच्या व्हेकेशनचे फोटो तिने सोशल मीडियावर पोस्ट केले आहेत. या फोटोत तिचा एक वेगळाच अंदाज पाहायला मिळत आहे. गायत्री या फोटोत खूपच बोल्ड अँड ब्युटिफूल दिसत असून तिचा हा फोटो सोशल मीडियावर चांगलाच व्हायरल झाला आहे. गायत्रीच्या या फोटोला 18 हजारहून अधिक लाईक मिळाले आहेत. या फोटोप्रमाणेच या फोटोसोबत लिहिलेल्या कॅप्शनची चांगलीच चर्चा रंगली आहे. तिने या फोटोसोबत लिहिले आहे की, तू मला आनंद देतोस... हो तू... 

‘तुला पाहते रे’ मालिकेने अल्पावधीतच प्रेक्षकांच्या मनात आपले स्थान निर्माण केले होते. साधी, सोज्वळ ईशा अरूण निमकर आणि सरंजामे कंपनीचे प्रमुख विक्रांत सरंजामे यांच्या प्रेमकथेने रसिकांना भुरळ पाडली होती. या मालिकेने काही महिन्यांपूर्वी प्रेक्षकांचा निरोप घेतला असला तरीदेखील या मालिकेतील कलाकारांनी रसिकांच्या मनात घर केलं आहे. या मालिकेतील सगळ्याच व्यक्तिरेखा आजही प्रेक्षकांच्या मनात ताज्या आहेत.

तुला पाहते रे’ या मालिकेत ईशाच्या भूमिकेत असलेली गायत्री दातार प्रेक्षकांची प्रचंड लाडकी होती. तिला या मालिकेमुळे चांगलीच लोकप्रियता मिळाली. ‘तुला पाहते रे’ या मालिकेने निरोप घेतल्यानंतर गायत्रीने निम्मा शिम्मा राक्षस या नाटकाद्वारे व्यावसायिक रंगभूमीवर पदार्पण केले. या नाटकात ती शहजादीच्या भूमिकेत दिसली. याशिवाय ती कोल्हापूर डायरिज चित्रपटात झळकणार आहे.