CID मधील दयाच्या पत्नीला पाहिलंत का?, राहते लाइमलाइटपासून दूर

सीआयडी आजही प्रेक्षकांची आवडती मालिका आहे. या मालिकेचा पहिला एपिसोड १९९८ साली प्रसारीत झाला होता

सोनी टीव्हीवरील लोकप्रिय मालिका सीआयडी आजही प्रेक्षकांची आवडती मालिका आहे. या मालिकेचा पहिला एपिसोड १९९८ साली प्रसारीत झाला होता आणि या मालिकेने जवळपास २१ वर्षे प्रेक्षकांचे मनोरंजन केले. एसीपी प्रद्युम्न, इंस्पेक्टर दया, सीनियर इंस्पेक्टर अभिजीत, डॉ. साळुंखे आणि या शोमधील कलाकार खूप लोकप्रिय झाले होते. या मालिकेतील कलाकारांचे संवाददेखील आजही लोकांच्या लक्षात आहेत. ही मालिका बंद होऊन २ वर्षे उलटली आहेत तरीदेखील आजही या मालिकेचे व त्यातील कलाकार प्रेक्षकांच्या मनात घर करून कायम आहेत. या मालिकेत दयाची भूमिका दयानंद शेट्टीने साकारली होती. या मालिकेतील कलाकारांच्या पर्सनल आयुष्याबद्दल जाणून घेण्यासाठी चाहते उत्सुक असतात. 

सीआयडीमधून दया म्हणजेच दयानंद शेट्टीने आपल्या अभिनयाने प्रेक्षकांचे मनोरंजन खूप केले. दयानंद शेट्टी यांचा जन्म ११ डिसेंबरला मुंबईत झाला. त्याने २००४ मध्ये आपल्या कारकिर्दीची सुरुवात केली. टीव्ही मालिकांव्यतिरिक्त त्याने बॉलिवूडच्या अनेक ब्लॉकबस्टर चित्रपटांमध्ये काम केले आहे पण त्याला जास्त लोकप्रियता सीआयडीमधून मिळाली.

दयानंद शेट्टीची पत्नीचे नाव स्मिता शेट्टी असून ती लाइमलाइटपासून दूर राहते. ती एक गृहिणी आहे.

दयानंद आणि स्मिता यांच्या लग्नाला १० वर्षे झाले आहेत. त्या दोघांना एक मुलगी आहे, जिचे नाव विवा आहे.

तीदेखील आईप्रमाणे प्रसिद्धीपासून दूर राहते. दयानंद शेट्टीने हिंदी चित्रपटातही काम केले आहे. अजय देवगणच्या सिंघम या चित्रपटात तो दिसला होता.