इश्कबाज मालिकेच्या टीमला देवदत्त पट्टनायक करणार ही मदत

स�

��टार प्लसवरील लोकप्रिय प्राईमटाईम शो इश्कबाजमध्ये सध्या रामायणाच्या आधुनिक आवृत्तीचा ट्रॅक सुरू आहे. या मालिकेमध्ये प्रमुख भूमिका साकारणारे अन्निका म्हणजेच सुरभी चंदना आणि शिवाय म्हणजेच नकुल मेहता हे आपल्या घरापासून दूर राहत आहेत. रामायणात राम, सीता ज्याप्रमाणे वनवासाला गेले होते. त्या प्रमाणे ते दोघे देखील घरापासून लांब गेले आहेत. अभिनेता निकितिन धीर या ट्रॅक मध्ये आधुनिक काळातील रावणाच्या रूपात दिसून येणार आहे. या ट्रॅकमधील बहुतेक घटना रामायण या महाकाव्यावर आधारित असून राम आणि सीताच्या आयुष्यावर त्या बेतलेल्या असणार आहेत. त्यामुळे नावाजलेले लेखक देवदत्त पट्टनायक यांची या रामायण ट्रॅकचे सल्लागार म्हणून नियुक्ती करण्यात आली आहे. याबद्दल देवदत्त सांगतात, “प्रत्येकामध्ये राम, सीता आणि रावण दडलेले असतात. या आधुनिक व्यक्तिरेखांच्या माध्यमातून आपल्याला प्रेक्षक म्हणून त्यांच्यातील स्वभावविशेष पुन्हा एकदा अनुभवता येणार आहेत. मी अर्थातच बारकाईने काही गोष्टींची यात भर टाकलेली असून निर्माते अतिशय सुंदर पद्धतीने या ट्रॅकचे चित्रीकरण करतील याची मला खात्री आहे.”
इश्कबाज या मालिकेतील नकुल आणि सुरभी हे कपल प्रेक्षकांना प्रचंड आवडत आहे. या दोघांचे सोशल मीडिया पेजेसवर लाखो फॉलोअर्स असून त्यावरील त्यांच्या बिहाईंड दि सीन्स फोटोजमधून त्यांची सेटवरील धमाल दिसून येते. याबद्दल सुरभी चंदना सांगते, “नकुल आणि माझी मैत्री सुरुवातीपासूनच खूप छान असून आता ती आणखी दृढ झाली आहे. माझ्यासारख्या नवअभिनेत्रीसाठी ही इंडस्ट्री समजून घेण्यासाठी नकुलच माझा सगळ्‌यात मोठा आधार होता. मी त्याचे जितके आभार मानावेत तेवढे कमी आहेत.”
लोकप्रिय बॉलिवूड आणि टीव्ही अभिनेता निकितिन धीर या मालिकेमध्ये खलनायकाची भूमिका साकारत असून त्याच्या मते त्याची शरीरयष्टी असाधारण असली तरी त्याला इंडस्ट्रीमध्ये चांगले काम मिळाले आहे. बॉलिवूडमध्ये 'दबंग', 'चेन्नई एक्सप्रेस','हाऊसफूल' अशा चित्रपटांमध्ये आपल्या खलनायकी व्यक्तिरेखांसाठी ओळखला जाणारा निकितिन सांगतो की इंडस्ट्रीमध्ये कामाच्या बाबतीत तो नेहमीच भाग्यवान ठरला आहे आणि त्याची असाधारण शरीरयष्टी खरंतर त्याच्यासाठी जमेची बाजू ठरली आहे.

Also Read : आणखी एक टीव्ही कपल प्रेमात,पुढच्या वर्षी अडकणार लग्नबंधनात