'५ वर्ष या गोष्टीसाठी वाट पाहावी लागली', 'आई कुठे काय करते'मधील शेखरची पोस्ट आली चर्चेत

Mayur Khandge : 'आई कुठे काय करते' या मालिकेत शेखरची भूमिका अभिनेता मयुर खांडगेने साकारली आहे. तो लवकरच रुपेरी पडद्यावर झळकणार आहे.

स्टार प्रवाह वाहिनीवरील 'आई कुठे काय करते' (Aai Kuthe Kay Karte) या मालिकेनं कमी कालावधीत रसिकांच्या मनात घर केले आहे. या मालिकेतील सर्व पात्रांना प्रेक्षकांची पसंती मिळताना दिसते. या मालिकेत शेखरची भूमिका अभिनेता मयुर खांडगे(Mayur Khandge)ने साकारली आहे. त्याने साकारलेल्या शेखरच्या भूमिकेला प्रेक्षकांची पसंती मिळताना दिसते आहे. दरम्यान अभिनेता मयुर खांडगे लवकरच रुपेरी पडद्यावर झळकणार आहे. तो हबड्डी चित्रपटात दिसणार आहे. नुकतेच त्याने यासंदर्भात सोशल मीडियावर शेअर केलेली पोस्ट चर्चेत आली आहे. 

अभिनेता मयूर खांडगे हा सोशल मीडियाच्या माध्यमातून आपल्या चाहत्यांशी नेहमी संपर्कात असतो. नुकतेच त्याने त्याचा आगामी चित्रपट हबड्डीच्या संदर्भातील एक पोस्ट सोशल मीडियावर शेअर केली आहे. त्याने लिहिले की, अखेर प्रतीक्षा संपली हबड्डीचे पोस्टर रिलीज झाले आहे. १८ जुलैला ट्रेलर नेटफ्लिक्सवर रिलीज होणार आहे. आम्ही सगळे पाच वर्षांपासून या चित्रपटाची वाट पाहत होतो आणि अखेर तो दिवस आला. पण प्रतीक्षा करणं फायद्याचं ठरलं. वो कहते है ना सब्र का फल मीठा होता है.

'हब्बडी'चा १७ जुलै २०२२ ला झी मराठीवर जागतिक टेलिव्हिजन प्रीमियर होईल आणि १८ जुलैपासून नेटफ्लिक्सवरही तो प्रसारित होईल. हा चित्रपट प्रेक्षकांना तरुण मन्याच्या जगात पोहोचवण्याचे काम करतो, जो एक अनाथ असून भित्र्या स्वभावाचा असतो. अनेक मुले त्याची खोडी काढत राहतात. परंतु त्याचे मन खूप जिज्ञासू असून त्याच्यात सर्व अडथळ्यांवर मात करण्याची प्रबळ इच्छाशक्ती आहे.एक कब्बडी सामना म्हणजे त्याचे जीवन बदलण्याची एक संधी आहे. हा चित्रपट एका रोमांचक निकालापर्यंत आपल्याला घेऊन जातो ज्यामुळे हसू आणि आनंदी अश्रू दोन्ही येतील.