'तू प्रथम भारतीय'; तृतीयपंथीयांसाठी उत्कर्ष शिंदेची स्पेशल पोस्ट

Utkarsh shinde: उत्कर्षने शेअर केलेली ही पोस्ट सध्या सोशल मीडियावर व्हायरल होत आहे. या पोस्टसोबत त्याने काही फोटोदेखील शेअर केले आहेत. त्यामुळे सध्या त्याच्यावर कौतुकाचा वर्षाव होत आहे.

'बिग बॉस मराठी'च्या (Bigg boss marathi) माध्यमातून घराघरात पोहोचलेला लोकप्रिय सेलिब्रिटी म्हणजे डॉ. उत्कर्ष शिंदे. टास्क खेळण्याच्या पद्धतीमुळे उत्कर्ष या पर्वात सर्वात जास्त चर्चेत राहिला. बिग बॉस मराठीचं हे पर्व संपून आता बराच काळ झाला आहे. मात्र, उत्कर्ष सोशल मीडियावर कायम चर्चेत असतो. यात नुकतीच त्याने १५ ऑगस्टचं निमित्त साधत तृतीयपंथीयांसाठी एक पोस्ट शेअर केली आहे. त्याची ही पोस्ट सध्या सोशल मीडियावर चर्चिली जात आहे.

"आज तुला पाहिल आणि विचार बदलले .... “जो भरा नहीं है भावों से,
जिसमें बहती रसधार नहीं । 
वह हृदय नहीं है पत्थर है,
जिसमें स्वदेश का प्यार नहीं।”

राष्ट्रप्रेम सर्वोच्च प्रेम म्हटले आहे. प्रत्येक व्यक्तिला आपल्या जन्मभूमीवर निस्वार्थ प्रेम असावे. आज सिग्नलला माझी कार थांबली आणि समोर तू दिसलीस, तुला पाहून खरंच संकुचित विचारांच्या लोकांना तू आज चपखल उत्तर दिलंस .कोण तू? कुठली तू? तू नर? कि नारी? ,ह्या वरून तुझे परीक्षण आजपर्यंत भवतालच्या बऱ्याच लोकांनी केले असेल. पण तू त्यांच उत्तर "तू प्रथम भारतीय " आहेस हे तू आज तुझ्या पेहेराव्यातूनच नाही तर तुझ्या बोलण्यातून ठासून दाखवलंस . कारची काच मी जेव्हा खाली घेतली आणि तू हसत किती सकारात्मकतेने "साहब भारत माता कि जय हो " म्हणालीस. आणि पैसे नहीं चाहिये आज. आज सिर्फ दुआ दूंगी म्हणत डोक्यावरून हाथ फिरवलास आणि प्रवास भर मी तुझ्यातल्या माणुसकीला, देश प्रेमाला मनोमन सलाम करत राहिलो.  75 व्या स्वातंत्र्य दिनी आज खरंच भासल बुरसटलेल्या भेदभाव मानणाऱ्या,माणसाला माणसापासून दूर ठेवणाऱ्या विचारानं पासून काहींना अजूनही स्वातंत्र्य मिळणे बाकी आहे",असं उत्कर्ष म्हणाला.

दरम्यान, उत्कर्षने शेअर केलेली ही पोस्ट सध्या सोशल मीडियावर व्हायरल होत आहे. या पोस्टसोबत त्याने काही फोटोदेखील शेअर केले आहेत. त्यामुळे सध्या त्याच्यावर कौतुकाचा वर्षाव होत आहे.