Indian Idol 1: अमित सानाच्या आरोपांवर अभिजीत सावंतनं सोडलं मौन, म्हणाला - "२० वर्षांनंतर यावर बोलण्यात..."

Indian Idol 1: इंडियन आयडॉल १चा उपविजेता अमित साना याने अलीकडेच दावा केला होता की अभिजीत सावंतला विजयी करण्यासाठी त्यांची मतदान लाइन बंद करण्यात आली होती, त्यानंतर आता अभिजीतने या आरोपावर प्रतिक्रिया दिली आहे.

इंडियन आयडॉन (Indian Idol 1) हा सिंगिंग रिएलिटी शो जवळपास २० वर्षांपासून लोकांच्या मनावर राज्य करत आहे. अभिजीत सावंत पहिल्या सत्राचा विजेता तर अमित साना उपविजेता ठरला होता. पण इतक्या वर्षांनंतर, अमितने आरोप केला आहे की अभिजीतला जिंकण्यासाठी फिनालेपूर्वी त्यांच्या मतदानाच्या लाइन बंद केल्या होत्या. ज्यावर अभिजीतने आता प्रतिक्रिया दिली आहे.

इंडियन आयडॉल १चे विजेते अभिजीत सावंतने न्यूज १८ ला दिलेल्या मुलाखतीत याबद्दल सांगितले. यादरम्यान तो म्हणाला की, अमित खूप साधा आहे. मी अनेक शोमध्ये भाग घेतला आहे. कोणतीही स्पर्धा हरण्याची अनेक कारणे असतात. ही फक्त एक गोष्ट नाही. अभिजीतने सांगितले की, कदाचित असं त्याचे लोक त्याला म्हणाले असतील त्यामुळे तो भावूक झाला असेल.

अभिजीत म्हणाला...
अमित सानाचे आरोप फेटाळून लावत अभिजीत म्हणाला की, संपूर्ण भारत दोघांना मत देत आहे, त्यामुळे एकाला मत मिळत असेल आणि दुसऱ्याला नाही असे होऊ शकत नाही. आंतरराष्ट्रीय स्तरावर या शोचे निरीक्षण केले जात होते. अमितने राजकीय प्रभावामुळे त्यांना विजयी केले, असे असले तरी. आता २० वर्षांनंतर यावर बोलण्यात अर्थ नाही, असे अभिजीत म्हणाला.

असा दावा अमितने केला होता
इंडियन आयडॉल १चा उपविजेता अमित साना याने सिद्धार्थ काननच्या मुलाखतीत चॅनेलवर आरोप केले होते. मतदानापूर्वीच त्यांच्या मतदानाच्या लाईन्स बंद झाल्याचे त्याने स्पष्टपणे सांगितले होते. त्याचे कुटुंब अभिजीतला मत देऊ शकले पण त्याला नाही. इंडियन आयडॉल सीझन १चा ग्रँड फिनाले ५ मार्च २००५ रोजी प्रसारित झाला होता. हा सीझन फराह खान आणि सोनू निगमने जज केला होता.