India's Got Talent 9: स्वत:ला आगीच्या हवाली करून फसला स्पर्धक, रॅपर बादशाहने धावत जाऊन वाचवला जीव

India's Got Talent 9: धडकी भरवणारा प्रोमो , हा प्रोमो पाहून तुमच्याही अंगावर शहारे येतील.

‘इंडियाज् गॉट टॅलेंट 9’च्या (India's Got Talent 9) सेटवर एक असा स्टंट पाहायला मिळाला, जे पाहून सगळेच प्रचंड घाबरले. बादशाह  (Badshah) आणि शिल्पा शेट्टी  (Shilpa Shetty ) जोरजोरात ओरडू लागले. बादशाह ताबडतोब अ‍ॅक्शनमध्ये आला आणि त्याने स्टंट थांबवला. हा प्रोमो पाहून तुमच्याही अंगावर शहारे येतील.

प्रोमोत प्रीतम नाथ नामक स्पर्धक एक धोकादायक स्टंट करताना दिसतोय. प्रीतमला एका सुकलेल्या गवताच्या खोलीत लॉक केलं जातं आणि या संपूर्ण खोलीला आग लावली जाते. आग वेगाने पसरते. पण प्रीतम स्वत:ला अनलॉक करून खोलीबाहेर येऊ शकत नाही. त्याचा दुसरा सहकारी त्याच्या मदतीसाठी खोलीत शिरतो. हे बघून बादशाह घाबरतो. बादशाह व शिल्पा एका टीव्ही स्क्रिनवर हा आऊटडोअर स्टंट पाहत असतात. ती टीव्ही स्क्रिनही बंद पडते. मला टीव्हीवर काहीही दिसत नाहीये, असं म्हणून बादशाह प्रचंड पॅनिक होतो. तेवढ्यात प्रीतम मदतीसाठी ओरडू लागतो. ते ऐकून बादशाह तडक आपल्या खुर्चीवरून उठतो आणि टास्क थांबवण्यासाठी बझर वाजवण्यासाठी धावतो. फायर ब्रिगेड टीमला बोलवतो. शिल्पा तर जोरजोरात किंचाळताना दिसते.

#PritamNath took the phrase 'playing with fire' to a whole new level! Will he achieve this dangerous and difficult escape? To find out, watch #IndiasGotTalent Season 9, this Sat-Sun, 8 PM, only on Sony.@TheShilpaShetty@manojmuntashir@KirronKherBJP@Its_Badshah@Thearjunbijlanipic.twitter.com/DNNMzoO5cw

— sonytv (@SonyTV) January 24, 2022

या स्टंटनंतर पुढे काय घडतं, हे तर येणारा एपिसोड बघितल्यानंतरच कळेल. तूर्तास याचा धडकी भरवणारा प्रोमो व्हायरल होतोय.

‘इंडियाज् गॉट टॅलेंट’चा हा सीझन बादशाह, शिल्पा शेट्टी यांच्यासह किरण खेर आणि मनोज मुंतशीर जज करत आहेत. या शोचा पहिला सीझन 2009 मध्ये आला होता. तो सीझन किरण खेर, सोनाली बेंद्रे आणि दिग्दर्शक शेखर कपूर यांनी जज केला होता. यानंतर साजिद खान, धर्मेन्द्र, फराह खान, करण जोहर, मलायका अरोरा अशा अनेकांनी हा शो जज केला आहे.