​यह उन दिनों की बात है या मालिकेत जयश्री टी दिसणार या भूमिकेत

जयश्री टी यांनी आपल्या भन्नाट नृत्य आणि अभिनयशैलीमुळे फक्त मराठी चित्रपटसृष्टी गाजवली नाही, तर त्यांनी त्याहीपलीकडे जाऊन हिंदीबरोबर गुजराती ...

ज�

��श्री टी यांनी आपल्या भन्नाट नृत्य आणि अभिनयशैलीमुळे फक्त मराठी चित्रपटसृष्टी गाजवली नाही, तर त्यांनी त्याहीपलीकडे जाऊन हिंदीबरोबर गुजराती रंगमंच आणि सिनेविश्वही गाजवले आहेत. त्या आता एका हिंदी मालिकेत झळकणार आहेत. त्यांनी या हिंदी मालिकेसाठी चित्रीकरण देखील करायला सुरुवात केली आहे. या मालिकेतील त्यांची भूमिका खूपच वेगळी असून त्या या मालिकेत काम करण्यास उत्सुक आहेत. 
सोनी एन्टरटेनमेंट टेलिव्हिजनवर यह उन दिनों की बात है ही मालिका प्रेक्षकांना पाहायला मिळत आहे. ही मालिका सगळ्याच वयोगटातील प्रेक्षकांना प्रचंड आवडत आहे. 90 च्या दशकातील ही कथा असून या मालिकेत प्रेक्षकांना तो काळ पाहायला मिळत आहे. या मालिकेतील समीर म्हणजेच रणदीप राय आणि नैना म्हणजेच आशी सिंह यांची प्रेमकथा दाखवली जात आहे. या मालिकेतील समीर आणि नैना यांची प्रेमकथा ही एका जोडप्याच्या खऱ्या आयुष्यावर आधारित आहे. हे जोडपे म्हणजे दुसरे कोणीही नसून शशी सुमीत प्रॉडक्शनचे शशी आणि सुमित मित्तल आहेत. या मालिकेत आता जयश्री टी यांची एंट्री होणार असून या मालिकेत त्या नैनाच्या आत्येआजीची भूमिका साकारणार आहेत. आजवर जयश्री टी यांनी अनेक मालिकांमध्ये नकारात्मक भूमिका साकारल्या आहेत. पण या मालिकेत त्या एका सकारात्मक भूमिकेत झळकणार आहेत. या मालिकेत त्या अतिशय श्रीमंत दाखवल्या असून त्या मुंबईतून नैनाच्या घरी राहायला येणार आहेत. 
यह उन दिनों की बात है या मालिकेचा काळ हा नव्वदीचा असल्याने जयश्री टी यांचा लूकदेखील त्या काळातलाच असणार आहे. या मालिकेद्वारे नव्वदीचा काळ जगता येणार असल्याने त्या प्रचंड खूश आहेत. नैना आणि समीर यांना एकत्र आणण्यासाठी त्या मदत करणार असून त्यांना समीर खूप आवडतो. त्या समीरला हिरो या नावानेच हाक मारतात. या मालिकेतील त्यांची एंट्री खूपच खास असणार आहे. नव्वदीत विमानाने फिरणे हे अतिशय श्रीमंतीचे लक्षण मानले जात असे. त्यामुळे त्या विमानाने आल्याअसल्याने त्यांचे प्रचंड स्वागत होणार आहे. 

Also Read : ​यह उन दिनो की बात है या मालिकेत झळकणार सुमित मित्तल