‘जय जय स्वामी समर्थ’ मालिकेतील अभिनेत्याची पत्नी पाहिलीत का? पाहा सुंदर जोडप्याचे सुंदर फोटो

सध्या टीव्हीवर जय जय स्वामी समर्थ ही मालिका फार गाजत आहे. मालिकेत स्वामी समर्थांची भूमिका साकारणाऱ्या अक्षय मुदवाडकर याच्या अभिनयाचंही होतंय कौतुक.

ठळक मुद्देसध्या टीव्हीवर जय जय स्वामी समर्थ ही मालिका फार गाजत आहे.मालिकेत स्वामी समर्थांची भूमिका साकारणाऱ्या अक्षय मुदवाडकर याच्या अभिनयाचंही होतंय कौतुक.

सध्या कलर्स मराठी या वाहिनीवर सुरू असलेली जय जय स्वामी समर्थ ही मालिका सर्वांच्या पसंतीस उतरत आहे. या मालिकेत अभिनेता अक्षय मुदवाडकर स्वामी समर्थ यांची भूमिका साकारत आहे. यापूर्वीही अक्षय मुदवाडकर यानं अनेक मालिका आणि नाटकांमध्ये काम करत आपल्या अभिनयानं प्रेक्षकांना भूरळ पाडली आहे.

अक्षय मुदवाडकर हा मूळचा नाशिक येथील आहे. तसंच कॉलेजमध्ये शिक्षण घेत असताना त्याला नाटक आणि मिमिक्री करण्याची आवड निर्माण झाली होती. यानंतर त्यानं काही छोट्या भूमिकाही साकारल्या. परंतु त्यानंतर अभिनयासाठी त्यानं मुंबईची वाट धरली. मुंबईत आल्यानंतर अक्षयनं काही जाहिरातींमध्येही काम केलं.

जाहिराती केल्यानंतर अक्षयला नाटकांमध्ये अभिनय करण्याची संधी मिळाली. सध्या जय जय स्वामी समर्थ या मालिकेत अक्षय हा स्वामी समर्थांच्या भूमिकेत दिसत आहे.

 
अक्षयच्या अभिनयाचा चाहतावर्गही मोठा आहे. अक्षय हा सोशल मीडियावरही मोठ्या प्रमाणात सक्रिय असतो. तसंच अनेकदा तो आपले फोटो आणि आपल्या कुटुंबीयांचे फोटोही शेअर करतो. अक्षयचं लग्न झालं असून त्याच्या पत्नीचं नाव नेहा असं आहे. अनेकदा तो आपल्या पत्नीसह फोटो शेअर करत असतो. त्यानं शेअर केलेल्या फोटोला नेटकऱ्यांकडूनही चांगला प्रतिसाद मिळताना दिसत आहे.