जान्हवी किल्लेकरने दिवाळीला बनवलं सोन्याचं ब्रेसलेट, 'बिग बॉस'शी आहे खास कनेक्शन, म्हणाली...

जान्हवीने या ब्रेसलेटचा व्हिडिओ तिच्या इन्स्टाग्रामवर शेअर केला आहे.या व्हिडिओतून तिने ब्रेसलेटची झलक दाखवली आहे. या ब्रेसलेटचं बिग बॉसशी खास कनेक्शन आहे.

बिग बॉस मराठी ५ मध्ये अभिनेत्री जान्हवी किल्लेकर सहभागी झाली होती. अनेक कारणांमुळे जान्हवी चर्चेत होती. या पर्वातील सर्वाधिक चर्चेत राहिलेल्या सदस्यांपैकी जान्हवी एक होती. वादग्रस्त वक्तव्यांमुळे जान्हवी वादाच्या भोवऱ्यातही अडकली होती. पण, नंतर तिने चूक सुधारत आणि तिचा खेळ दाखवत प्रेक्षकांची मनं जिंकून घेतली होती. जान्हवी बिग बॉस मराठी ५च्या टॉप ६ सदस्यांपैकी एक होती. 

जान्हवीने केवळ तिच्या खेळीनेच नव्हे तर अदांनीही प्रेक्षकांची मनं जिंकली आहेत. अभिनय आणि बिग बॉसच्या घरातील खेळाबरोबरच जान्हवीच्या सौंदर्याचीही चर्चा होते. जान्हवीचं फॅन फॉलोविंगही तगडं आहे. सोशल मीडियाच्या माध्यमातून जान्हवी तिच्या चाहत्यांना करिअर आणि वैयक्तिक आयुष्यातील अपडेट्स देत असते. दिवाळीच्या मुहुर्तावर जान्हवीने सोन्याचं ब्रेसलेट खरेदी केलं आहे. 

जान्हवीने या ब्रेसलेटचा व्हिडिओ तिच्या इन्स्टाग्रामवर शेअर केला आहे.या व्हिडिओतून तिने ब्रेसलेटची झलक दाखवली आहे. या ब्रेसलेटचं बिग बॉसशी खास कनेक्शन आहे. जान्हवीच्या या ब्रेसलेटमध्ये जे पेन्डंट आहे ते बिग बॉसचा लोगो आहे. 

“या ब्रेसलेटमध्ये इव्हिल आय आहे; मात्र माझ्यासाठी हे बिग बॉसचं चिन्ह आहे. बिग बॉस माझ्यासाठी खूप महत्त्वाचे आहेत. कारण- आज मी जी काही आहे, ती बिग बॉसमुळे आहे. मी आता बिग बॉसचं हे ब्रेसलेट हातात घालणार आहे", असं जान्हवी या व्हिडिओत म्हणताना दिसत आहे. जान्हवीच्या या व्हिडिओवर चाहत्यांनी कमेंटही केल्या आहेत.