आयफोन ते चॉकलेट्स! Koffee With Karan मध्ये सेलिब्रिटींना देण्यात येणाऱ्या गिफ्ट हॅम्परमध्ये असतो या वस्तूंचा समावेश

Koffee with karan: प्रत्येक सेलिब्रिटी अतिशय आलिशान लाइफ जगतात. त्यामुळे करण त्यांना गिफ्ट हॅम्परमध्ये काय देतो हे जाणून घेण्याची प्रेक्षकांमध्ये उत्सुकता असते.

बॉलिवूड दिग्दर्शक करण जोहर (Karan Johar) सध्या त्याच्या कॉफी विद करण (Koffee With Karan) या लोकप्रिय टॉक शोमुळे चर्चेत येत आहे. सध्या या शोचं ७ वं पर्व सुरु असून याचा पहिला प्रोमो समोर आला आहे. विशेष म्हणजे हा शो पाहण्यासाठी प्रेक्षक कायमच आतुर असतात. यात खासकरुन करण सेलिब्रिटींना विचारत असलेल्या प्रश्नांची, करणचं मानधन वा शो मध्ये सहभागी सेलिब्रिटींनी देण्यात येणाऱ्या गिफ्ट हॅम्पपरची चर्चा रंगत असते. त्यामुळेच यावेळी करण सेलिब्रिटींनी देत असलेल्या गिफ्ट्समध्ये नेमक्या कोणत्या गोष्टींचा समावेश असतो ते जाणून घेऊयात.

करणच्या शोमध्ये आतापर्यंत अनेक दिग्गज सेलिब्रिटींनी हजेरी लावली आहे. विशेष म्हणजे यात सहभागी होणारा प्रत्येक सेलिब्रिटी हा त्याच्या स्टारडम आणि लक्झरी लाइफस्टाइलसाठी ओळखला जातो. हे प्रत्येक सेलिब्रिटी अतिशय आलिशान लाइफ जगतात. त्यामुळे करण त्यांना नेमकं गिफ्ट हॅम्परमध्ये काय देतो हे जाणून घेण्याची प्रेक्षकांमध्ये उत्सुकता असते.

'कॉफी विद करण'च्या रॅपिड फायर राऊंडमध्ये जिंकणाऱ्या सेलिब्रिटींनी करण एक गिफ्ट देत असतो. हे गिफ्ट कलाकारांसाठी खास असतं.कारण, यात अनेक चांगल्या चांगल्या गोष्टींचा समावेश असतो.

करणने दिलेल्या गिफ्ट हॅम्परमध्ये असतात या वस्तू

करण सेलिब्रिटींनी भेट म्हणून देत असलेल्या गिफ्ट हॅम्परमध्ये पर्सनल रोस्टेड कॉफी, कॉफी फ्रेंच प्रेस, कॉफी मग, ब्राऊनी, ब्लूटूथ स्पीकर, आयफोन, होम डेकोर वाऊचर, हॅण्डमेड साबण, ब्युटी प्रोडक्ट आणि चॉकलेट्स यांचा समावेश असतो.