'लग्नाची बेडी' फेम अभिनेता या अभिनेत्रीसोबत चढला बोहल्यावर, लग्नाचा फोटो आले सामोर

मराठी टेलिव्हिजन क्षेत्रात सध्या लग्नाचे वारे पाहताना दिसत आहेत. छोट्या पडद्यावरील आणखी एक कपल लग्नबेडीत अडकले आहे. लग्नाची बेडी मालिका फेम राघव म्हणजेच अभिनेता संकेत पाठक (Sanket Pathak) ने अभिनेत्री
 सुपर्णा श्याम (Suparna Shyam)सोबत लग्नगाठ बांधली आहे. अक्षय तृतीयेच्या मुहूर्तावर संकेत आणि सुपर्णा विवाहबद्ध झाले आहेत. पुण्यात या दोघांचेही मोठ्या थाटात लग्न पार पडले . या लग्नाला जवळच्या मित्रमंडळी तसेच नातेवाईकांना त्यांनी आमंत्रण देण्यात आले होते. आता या लग्नातील पहिला फोटो समोर आला आहे. 

अभिनेता संकेत पाठक आणि अभिनेत्री सुपर्णा श्याम यांचा पारंपारिक पद्धतीने विवाह झाला आहे. वधू-वराच्या पोशाखात दोघेही खूप सुंदर दिसतायेत. याआधी दोघांच्या हळद आणि संगीत सेरेमनीचे फोटो सोशल मीडियावर व्हायरल झाले होते. त्यानंतर आता लग्नाचा फोटो ही समोर आला आहे. 

संकेत आणि सुपर्णाने एकमेकांना कधीही ऑफिशियली प्रपोज केले नव्हते. पण डिसेंबर महिन्यात सुपर्णाने संकेतच्या मावस बहिणीच्या लग्नात त्याला सरप्राईज देऊन प्रपोज केले होते. यावेळी संकेतच्या कुटुंबीयांनी सुपर्णाला पाठिंबा दर्शवला होता. सगळ्या नातेवाईकांनी या गोष्टीपासून संकेतला अनभिज्ञ ठेवले होते. ही सगळी अरेंजमेंट करण्यासाठी त्याचे काका त्याला बाहेर घेऊन गेले होते.

सगळी अरेंजमेंट झालीये असे कळताच काका त्याला घरी घेऊन आले. संकेतने दार उघडताच भयाण शांतता दिसली तेवढ्यात समोर गॅलरीत नटून थटून उभ्या असलेल्या सुपर्णाकडे त्याचे लक्ष वेधले. सगळ्यांच्या समोर सुपर्णाने संकेतला सिनेस्टाईलने प्रपोज केलेले पाहून त्यांचे चाहते सुद्धा अवाक झाले. हा व्हिडीओ सुपर्णा आणि संकेतने सोशल मीडियावर शेअर करताच ‘ हे कधी घडलं?’ अशा प्रतिक्रिया त्यांना मिळू लागल्या होत्या.