'मधुराज् रेसिपी'फेम मधुरा बाचलचं कलाविश्वात पदार्पण; 'या' मालिकेत करणार काम

Madhura Bachal:सोशल मीडियावर सक्रीय असलेल्या मधुराने इन्स्टाग्रामवर एक पोस्ट शेअर केली आहे. या पोस्टमध्ये तिने तिच्या आगामी मालिकेचं नाव सांगितलं आहे.

मराठी खाद्यसंस्कृतीची ओळख उत्तमरित्या करुन देणारी प्रसिद्ध युट्यूबर म्हणजे मधुरा बाचल (Madhura Bachal). सध्याच्या घडीला मधुरा सेलिब्रिटी शेफ म्हणून प्रसिद्ध असून अनेक कार्यक्रमांमध्ये तिला आवर्जुन बोलावलं जातं. अलिकडेच मधुरा किचन कल्लाकारमध्ये झळकली होती. त्यानंतर आता ती सुख म्हणजे नक्की काय असतं या मालिकेत झळकणार आहे.

सोशल मीडियावर सक्रीय असलेल्या मधुराने इन्स्टाग्रामवर एक पोस्ट शेअर केली आहे. या पोस्टमध्ये तिने लवकरच 'सुख म्हणजे नक्की काय असतं' (sukh mhanje kay asta) या मालिकेत झळकणार असल्याचं सांगितलं आहे. विशेष म्हणजे या मालिकेच्या सेटवरील काही फोटोही तिने शेअर केले आहेत.

"अतिशय स्वप्नवत असंच वाटतंय. कोठारे व्हिजन मधून कॉल येतो काय आणि लगेच दुसऱ्या दिवशी शूट करून आता एपिसोड उद्यापासून येईल पण. तर बघायला विसरू नका उद्यापासून 3 दिवस रात्री 9.30 वाजता, आपली लाडकी वाहिनी @star_pravah वर @kotharevision आणि टीमचे अतिशय मनापासून धन्यवाद आणि शुभेच्छा कायमच. अजून बरंच काही, पुढच्या पोस्ट मध्ये", असं कॅप्शन देत तिने ही पोस्ट शेअर केली आहे.

दरम्यान, या मालिकेत आता मधुरा कोणत्या भूमिकेत झळकणार हे जाणून घेण्याची प्रेक्षकांमध्ये उत्सुकता निर्माण झाली आहे.मात्र, येत्या काही भागात लवकरच मधुराच्या भूमिकेवरील पडदा दूर सारला जाणार आहे.