माधुरी दीक्षित पुन्हा एकदा करू शकते टीव्हीवर कमबॅक

म�

��धुरी दीक्षितने रिअॅलिटी शोमधून टीव्हीवर डेब्यू केले आहे. मात्र काही महिन्यांपूर्वी ती टीव्हीवरून गायब झाली आहे. आता तिच्या फॅन्ससाठी आमच्याकडे खुशखबर आहे कारण माधुरी लवकरच एका डान्स रिअॅलिटी शोमध्ये जजच्या भूमिकेत दिसणार आहे. मीडिया रिपोर्टनुसार 'डान्स दिवाने' या नवा रिअॅलिटी शो सुरू होणार आहे. या शोला माधुरी दीक्षित जज करणार आहे. हा शो सर्वसामान्य माणसांसाठी असणार आहे. यात वेगवेगळ्या वयोगटातील लोक डान्सचे टॅलेंट दाखवताना दिसणार आहे. सूत्रांच्या माहितीनुसार शोच्या पहिल्या एपिसोडमध्ये माधुरी दीक्षित सुद्धा परफॉर्म करताना दिसणार आहे. या शोचे ऑडिशन 3 मे पासून संपूर्ण देशात होणार आहेत. माधुरीसह आणखीन एक प्रसिद्ध कोरियॉग्राफर पण या शोला जज करताना दिसणार आहे.   

माधुरीने या आधी 'नच बलिये' आणि 'झलक दिखला जा' सारख्या रिअॅलिटी शोला जज केले आहे. 'टोटल धमाल' चित्रपटातून अनिल आणि माधुरी दीक्षित जवळपास 26 वर्षांनंतर एकत्र शूट करतायेत. ‘टोटल धमाल’ हा चित्रपट ‘धमाल’ फ्रेंचाइजीचा तिसरा चित्रपट आहे. या फ्रेंचाइजीचा दुसरा चित्रपट ‘डबल धमाल’ होता. ‘टोटल धमाल’ ७ डिसेंबर रोजी रिलीज होणार आहे. या चित्रपटात अजय देवगण, माधुरी दीक्षित, अनिल कपूर, अरशद वारसी आणि जावेद जाफरी यांच्या प्रमुख भूमिका आहेत. दरम्यान, ‘धमाल’च्या दोन्ही चित्रपटांमध्ये प्रेक्षकांना तुफान कॉमेडी बघावयास मिळाली. 

माधुरी सध्या कलंक चित्रपटाच्या शूटिंगमध्ये बिझी आहे. करण जोहर , साजिद नाडियाडवाला आणि अपूर्व मेहता निर्मित हा चित्रपट अभिषेक बर्मन दिग्दर्शित करणार आहे. या मेगास्टारर चिपटात माधुरी व संजयशिवाय सोनाक्षी सिन्हा, आलिया भट्ट, वरूण धवन आणि आदित्य राय कपूर यांची वर्णी लागली आहे. पुढील वर्षी १९ एप्रिलला हा चित्रपट रिलीज होईल.