आता खलनायिकेच्या भूमिकेत झळकणार माधुरी संजीव, वाचा सविस्तर

Iss Mod Se Jaate Hain मालिकेतील पाठक कुटुंबातील सर्वात ज्येष्ठ सदस्य आणि संजयची नूतन आत्या ही व्यक्तिरेखा माधुरी संजीव ( Madhuri Sanjeev ) साकारणार आहे. संजय हा तिचा लाडका भाचा असतो आणि तिनेच त्याचे नामकरण केलेले असते.

‘इस मोड से जाते है’ ( Iss Mod Se Jaate Hain) च्या आगामी भागांमध्ये टीव्हीवरील लोकप्रिय अभिनेत्री माधुरी संजीवचा ( Madhuri Sanjeev ) प्रवेश होताना दिसेल. पाठक कुटुंबातील सर्वात ज्येष्ठ सदस्य आणि संजयची नूतन आत्या ही व्यक्तिरेखा माधुरी संजीव साकारणार आहे. संजय हा तिचा लाडका भाचा असतो आणि तिनेच त्याचे नामकरण केलेले असते. तिच्या दृष्टीने संजयचे आयएएस अधिकारी बनण्याचे स्वप्न हे सर्वात महत्त्वाचे असते, कारण तिला त्याच्याकडून बर्‍याच अपेक्षा असतात. तिच्या मते परागी ही संजयसाठी पत्नी म्हणून योग्य नाही आणि ती त्यांना विभक्त करण्यासाठी कारस्थान रचते.

या मालिकेतील आपल्या प्रवेशाबद्दल माधुरी संजीव म्हणाली, “प्रेक्षकांनी अल्पावधीतच उदंड प्रतिसाद दिलेल्या इस मोड से जाते हैसारख्या मालिकेत मला एक भूमिका साकारायला मिळाली, याचा मला खूप आनंद वाटतो. मला नेहमीच वैविध्यपूर्ण भूमिका साकारण्यास आवडतात आणि या मालिकेतील माझी व्यक्तिरेखा निश्चितच परिणामकारक आहे. किंबहुना कोणत्याही मालिकेत मध्येच प्रवेश करणं हे एक आव्हान असतं, कारण प्रेक्षकांना मालिकेतील नेहमीच्या व्यक्तिरेखांची ओळख आणि सवय झालेली असते. 

पण माझ्या व्यक्तिरेखेमुळे मालिकेत नवीन ट्विस्ट पाहायला मिळेल. नूतन आत्याची व्यक्तिरेखा काहीशी खलनायकी स्वरूपाची आहे, पण कोणाला नुकसान पोहोचविण्याचा तिचा उद्देश नसतो. तिच्या लाडक्या भाच्याला त्याच्या पसंतीच्या सर्व गोष्टी मिळाव्यात, इतकीच तिची इच्छा असते. परागी त्याच्या जीवनातून निघून गेली, तरच तो सुखी होईल, अशी तिची समज बनलेली असते आणि त्यासाठीच ती परागीला संजयपासून दूर करण्याचे प्रयत्न करते. नूतन आत्याची कटकारस्थानं मालिकेला वेगळे वळण मिळेल. याची मला खात्री आहे. मला या भूमिकेला न्याय द्यायचा असून सर्वांनी माझ्या कामाचं कौतुक केलं आहे.”

माधुरी संजीवला मालिकेत पाहण्यास आम्ही निश्चितच उत्सुक बनलो असून ती आता परागीला संजयपासून दूर ठेवण्यासाठी काय करील, ते पाहणे रंजक ठरेल. तिच्या या कामात ती यशस्वी होईल का? की परागी आणि संजीव यांच्यातील प्रेम त्यांना एकमेकांजवळ ठेवील?याचा उलगडा आगामी भागात होणार हे मात्र नक्की.