"आजोबा काय करतो?" म्हणताच अरुण कदम यांचा नातू खुदकन हसला, व्हिडिओ व्हायरल

नातवासोबत खेळताना दिसले अरुण कदम; आजोबा आणि नातवाच्या गोड व्हिडिओने वेधलं लक्ष

उत्तम अभिनय आणि विनोदाचं अचूक टायमिंग साधत प्रेक्षकांना खळखळवून हसवणारे अरुण कदम मराठी कलाविश्वातील लाडके नट आहेत. अनेक विनोदी कार्यक्रम आणि सिनेमांतून विविधांगी भूमिका साकारत त्यांनी अभिनयाचा ठसा उमटवला. गेल्या कित्येक वर्षांपासून ते प्रेक्षकांचं अविरत मनोरंजन करत आहेत. महाराष्ट्राची हास्यजत्रामधून प्रसिद्धीझोतात आलेल्या अरुण कदम यांना कोण ओळखत नाही. त्यांच्या विनोदाचे लाखो चाहते आहेत. काही दिवसांपूर्वीच अरुण कदम आजोबा झाले. 

अरुण कदम यांची लेक सुकन्या हिने गोंडस बाळाला जन्म दिला. सुकन्याला ऑगस्ट महिन्यात पुत्ररत्नाची प्राप्ती झाली. आपल्या लाडक्या लेकाचं नाव त्यांनी अथांग असं ठेवलं आहे. अरुण कदम अनेकदा नातवाबरोबरचे व्हिडिओ सोशल मीडियावर शेअर करताना दिसतात. नुकतंच त्यांनी इन्स्टाग्रामवरुन नातवाचा एक व्हिडिओ शेअर केला आहे. या व्हिडिओत अरुण कदम त्यांच्या नातवासोबत खेळताना दिसत आहेत. "आजोबा काय करतो?" असं अरुण कदम यांनी विचारताच त्यांचा नातू मनसोक्त हसताना दिसत आहे. 

अरुण कदम यांनी शेअर केला नातवाबरोबरचा हा व्हिडिओ सोशल मीडियावर व्हायरल झाला आहे. या व्हिडिओला त्यांनी "काय बरं संवाद झाला असेल म्हणून नातू आजोबा हसत आहेत", असं कॅप्शन दिलं आहे. या व्हिडिओवर चाहत्यांनी कमेंटही केल्या आहेत