“तुझी मुख्य भूमिका असलेला चित्रपट येतोय...”, ‘महाराष्ट्राची हास्यजत्रा’ फेम नम्रता संभेरावसाठी प्रसादची पोस्ट
By ऑनलाइन लोकमत | Published: August 29, 2023 03:34 PM2023-08-29T15:34:30+5:302023-08-29T15:35:19+5:30
'महाराष्ट्राची हास्यजत्रा' शोमधून लोकप्रियतेचं शिखर गाठलेल्या महाराष्ट्राच्या लाडक्या नमाचा आज वाढदिवस आहे.
“तुझी मुख्य भूमिका असलेला चित्रपट येतोय...”, ‘महाराष्ट्राची हास्यजत्रा’ फेम नम्रता संभेरावसाठी प्रसादची पोस्ट
Next उत्कृष्ट अभिनयाला विनोदाची फोडणी देत अभिनेत्री नम्रता संभेराव ‘महाराष्ट्राची हास्यजत्रा’मधून प्रेक्षकांना खळखळवून हसवते. लॉली असो अथवा सासू सूनेच्या स्किटमधील सूनेचं पात्र, अगं अगं आईच्या स्किटमधील साधी भेळी आईच्या भूमिका ती अगदी सहजरित्या करते. 'महाराष्ट्राची हास्यजत्रा' शोमधून लोकप्रियतेचं शिखर गाठलेल्या महाराष्ट्राच्या लाडक्या नमाचा आज वाढदिवस आहे. तिच्या वाढदिवसानिमित्त अभिनेता प्रसाद खांडेकरने खास पोस्ट शेअर केली आहे.
प्रसादने त्याच्या सोशल मीडियावरुन नम्रताबरोबरचा फोटो आणि व्हिडिओ शेअर केला आहे. “आपल्याक़डे कुटुंब असतं...मित्रही असतात...पण काही मित्र आपलं कुटुंब बनतात...रुद्राजची ममी...योगेशची आणि सुनंदाची नमू आणि महाराष्ट्राची नमा....तुला वाढदिवसाच्या खूप खूप खूप शुभेच्छा. अशीच हसत राहा, जगाला हसवत राहा...तुला आयुष्यात जे जे हवं ते सगळं मिळो. ह्या वर्षी तुझी प्रमुख भूमिका असलेला चित्रपट येतोय.... असे अनेक चित्रपट तुला मिळो हीच सदिच्छा. तुझ्यातला वेडेपणा दिवसेंदिवस वाढू दे... खूप खूप खूप प्रेम तुला,” असं म्हणत प्रसादने नम्रताला खास शुभेच्छा दिल्या आहेत.
शाहरुख खानच्या ‘जवान’चा नवा रेकॉर्ड, ‘या’ चित्रपटगृहात सकाळी ६चा शो लागणार
“...म्हणून 'गदर २' सुपरहिट झाला”, हेमा मालिनींचं स्पष्ट वक्तव्य, म्हणाल्या, “ओटीटी आणि वेब सीरिज...”
नम्रता आणि प्रसाद ऑनस्क्रीनप्रमाणेच ऑफस्क्रीनही अत्यंत चांगले मित्र आहेत. त्यांनी अनेक स्किटमध्येही एकत्र काम केलं आहे. प्रसाद खांडेकरचं दिग्दर्शन असलेल्या एका चित्रपटातून नम्रता तिच्या नव्या इनिंगला सुरुवात करत आहे. या चित्रपटात ती मुख्य भूमिका साकारणार आहे. याआधी नम्रताने अनेक नाटकांमध्येही काम करुन प्रेक्षकांचं मनोरंजन केलं आहे.