Bigg Boss Marathi 4: एंटरटेनमेंट आणि महेश सरांची शाळा...;  ‘बिग बॉस मराठी 4’चा नवा प्रोमो पाहिलात का?

Bigg Boss Marathi 4: ‘बिग बॉस मराठी’चा नवा सीझन पाहण्यासाठी तुम्हाला आणखी काही काळ प्रतीक्षा करावी लागणार आहे. पण होय, तूर्तास ‘बिग बॉस मराठी 4’चा नवा प्रोमो तुमच्या भेटीस आला आहे.

Bigg Boss Marathi 4 New Promo: छोट्या पडद्यावरचा सर्वात मोठा शो ‘बिग बॉस मराठी’चा चौथा सीझन लवकरच प्रेक्षकांच्या भेटीस येणार आहे. साहजिकच, ‘बिग बॉस मराठी’चे चाहते क्रेझी झाले आहेत. गेल्या काही दिवसांपासून या आगामी शोची चांगलीच चर्चा आहे. सर्वप्रथम या शोचा होस्ट कोण असणार? असा प्रश्न चाहत्यांना पडला होता. पण आता ते स्पष्ट झालं आहे. ‘बिग बॉस मराठी’चे तिन्ही सीझन होस्ट करणारे महेश मांजरेकर हेच चौथा सीझन होस्ट करणार आहेत. आता चाहत्यांना प्रतीक्षा आहे ती हा शो कधी सुरू होतो याची. तर ‘बिग बॉस मराठी’चा नवा सीझन पाहण्यासाठी तुम्हाला आणखी काही काळ प्रतीक्षा करावी लागणार आहे. पण होय, तूर्तास ‘बिग बॉस मराठी 4’चा  (Bigg Boss Marathi 4) नवा प्रोमो तुमच्या भेटीस आला आहे.
कलर्स मराठीने आपल्या अधिकृत इन्स्टाग्राम अकाऊंटवर ‘बिग बॉस मराठी 4’चा नवा प्रोमो शेअर केला आहे. यात मांजरेकरांना नेहमीसारखा नवा स्वॅग, नवा लुक पाहायला मिळतोय.

‘हिची ना कायम किरकीर असते,  हा किती भांडतो, सर तिच्यावर कायम चिडतात, हा सरांचा फेव्हरेट आहे. ही माझी नाही तुमची मत आहेत.  बिग बॉस मराठी 4 सुरू होतंय. तुमची मतं तयार ठेवा...,’ असं महेश मांजरेकर या व्हिडीओमध्ये म्हणत आहेत. हा प्रोमो पाहून प्रेक्षकांची उत्सुकता आणखी वाढली आहे.  

View this post on Instagram

A post shared by Colors Marathi (@colorsmarathi)

 कधी सुरू होणार नवा सीझन?
‘बिग बॉस मराठी 4’ लवकरच सुरू होणार, हे गेल्या काही दिवसांपासून तुम्ही ऐकताय. पण कधी? तर  ‘बिग बॉस मराठी 4’ सप्टेंबर महिन्याच्या शेवटच्या आठवड्यात म्हणजेच 25 सप्टेंबरला सुरू होण्याची शक्यता आहे. अद्याप याबद्दलची अधिकृत घोषणा झालेली नाही. पण कलर्स मराठीवरील ‘सूर नवा ध्यास नवा’ हा कार्यक्रम अंतिम टप्प्यात आला आहे त्यामुळे 24 सप्टेंबरला कार्यक्रमाचा महाअंतिम सोहळा पार पडू शकतो. त्याजागी ‘बिग बॉस मराठी 4’ सुरू होऊ शकतो.
आता या सीझनमध्ये कोण कोण स्पर्धक सहभागी होतात, ते बघूच.