Prarthana Behere : ‘माझी तुझी रेशीमगाठ’मधील ‘नेहा’चं घर पाहिलंत का? प्रार्थना बेहरेनं शेअर केला VIDEO

Prarthana Behere : होय, प्रार्थनाचा एक व्हिडीओ सध्या सोशल मीडियावर तुफान व्हायरल होतोय. या व्हिडीओत प्रार्थनाच्या घराची झलक पाहायला मिळते.

‘माझी तुझी रेशीमगाठ’ (Majhi Tujhi Reshimgath) या मालिकेमुळे घराघरात पोहोचलेली मराठमोळी  प्रार्थना बेहरे ( Prarthana Behere )  ही सर्वांची आवडती अभिनेत्री. सोशल मीडियावरचे तिचे फोटो, व्हिडीओ, रिल्स क्षणात व्हायरल होतात, ते त्यामुळेच. सोशल मीडियावर प्रचंड अ‍ॅक्टीव्ह असलेल्या मराठी सेलिब्रिटींच्या यादीत प्रार्थनाचं नावही आहेच. सध्या तिचीच चर्चा आहे. होय, प्रार्थनाचा एक व्हिडीओ सध्या सोशल मीडियावर तुफान व्हायरल होतोय. या व्हिडीओत प्रार्थनाच्या घराची झलक पाहायला मिळते.

‘माझी तुझी रेशीमगाठ’ मालिकेमध्ये प्रार्थना नेहा ही व्यक्तिरेखा साकारताना दिसतेय. सध्या मालिकेमध्ये नेहाचा अपघात झाला असल्याचं दाखवण्यात आलं आहे. त्यामुळे नेहा गेल्या काही दिवसांपासून मालिकेतून काहीशी गायब आहे. एकीकडे नेहाला पुन्हा मालिकेमध्ये परत आणा अशी मागणी प्रेक्षक करत आहेत. दुसरीकडे नेहा म्हणजेच प्रार्थना दिवाळी सेलिब्रेट करतेय. यंदाची दिवाळी प्रार्थनाने कुटुंबीयांसोबत साजरी केली. दिवाळीनिमित्त तिने एक व्हिडीओ शेअर केला आहे.

View this post on Instagram

A post shared by Prarthana 💜 (@prarthana.behere)

या व्हिडीओमध्ये ती तिच्या पतीसोबत दिसतेय. तिच्या कुटुंबातील इतर मंडळींही व्हिडीओ आहे. या व्हिडीओमध्ये प्रार्थनाच्या घराची झलक पाहायला मिळतेय.  प्रार्थनाच्या घरातील मोठा फिश टँग लक्ष वेधून घेतो. तिचं अलिशान घर आकर्षक पद्धतीने सजवण्यात आलं आहे. त्याची झलकही व्हिडीओत दिसते. 

प्रार्थना बेहरेने अभिषेक जावकरसोबत 14 नोव्हेंबर 2017 रोजी लग्नगाठ बांधली. अभिषेक जावकर हा लेखक, दिग्दर्शक, निर्माता आहे. अभिषेकने काही तेलगू चित्रपटांचे वितरण केलं आहे. मूळ ‘सिंघम’ चित्रपटाची निर्मितीही अभिषेकनेच केली आहे. जवळपास पाच वर्षांपूर्वी त्याने रेड बल्ब स्टुडिओज नावाची स्वत:ची निर्मितीसंस्था सुरु केली.  डब्बा ऐस पैस, शुगर, सॉल्ट आणि प्रेम  या मराठी चित्रपटांची सहनिर्मिती त्याने केली आहे.  मिसिंग ऑन अ वीकेंड  या हिंदी चित्रपटातून अभिषेकने दिग्दर्शनक्षेत्रात पदार्पण केलं.