Majhi Tujhi Reshimgath : ‘माझी तुझी रेशीमगाठ’ या दिवशी घेतेय निरोप, असा होणार गोड शेवट

Majhi Tujhi Reshimgath : निरोपाची वेळ जवळ आली आहे. होय, 'माझी तुझी रेशीमगाठ' ही मालिका लवकरच निरोप घेतेय...

झी मराठी वाहिनीवर ‘माझी तुझी रेशीमगाठ’ (Majhi Tujhi Reshimgath )  मालिका आली आणि तुफान लोकप्रिय झाली. यश व नेहा अर्थात प्रार्थना बेहरे (Prarthana Behere) व श्रेयस तळपदेची (Shreyas Talpade) मालिकेतील रोमॅन्टिक केमिस्ट्रीही तुफान हिट ठरली. मालिका इतकी गाजली की, सप्टेंबर महिन्यात मालिका बंद झाली असताना प्रेक्षकांच्या आग्रहाखातर पुन्हा सुरू करावी लागली. पण आता  निरोपाची वेळ जवळ आली आहे. होय, 'माझी तुझी रेशीमगाठ' ही मालिका लवकरच निरोप घेतेय.

होय, ‘झी मराठी’ वाहिनीच्या ऑफिशिअल इन्स्टाग्राम पेजवर मालिकेच्या शेवटच्या एपिसोडबद्दलची माहिती देण्यात आली आहे. ‘माझी तुझी रेशीमगाठ’ मालिका बंद होणार असून या मालिकेचा शेवटचा भाग २२ जानेवारी रोजी प्रसारित होणार आहे. रविवारी रात्री ९:०० वाजता एक तासाचा विशेष महाएपिसोड प्रसारित करुन ही मालिका प्रेक्षकांचा निरोप घेणार आहे. 

चालू ट्रॅकनुसार, मालिकेचा शेवट गोड होणार असल्याचं दिसतंय. अनुष्काला आता सगळं काही आठवणार आहे आणि नेहा व यश पुन्हा एकत्र येणार आहेत. मालिका संपणार असल्याने चाहते कमालीचे निराश आहेत. मालिका बंद करू नका, अशी आर्जव असंख्य चाहते करत आहेत. “प्लीज मालिका बंद करू नका”, अशा कमेंट्सचा जणू पाऊस पडतोय. “ह्या टीमबरोबर दुसरी मालिका लवकर घेऊन या”, असं म्हणत काही प्रेक्षकांनी नवीन मालिकेची मागणी केली आहे. 

प्रार्थना म्हणाली...
मालिका संपणार असल्याने प्रेक्षक मालिकेतील सर्व कलाकारांना मिस करतील. मालिकेतील कलाकारही सेटवरची मस्ती, शूटींग सगळं काही मिस करणार आहेत. प्रार्थना बेहरेने लोकमत फिल्मी दिलेल्या मुलाखतीत यावर बोलली. “नक्कीच मी खरंच सगळं काही मिस करणार आहे. हे दीड खरंच खूप मस्त होते. आमच्या डायरेक्टर सरांनी मला सांभाळलं. शेवटपर्यंत आम्ही सगळं एन्जॉय केलं. प्रेक्षकांनी आम्हाला भरभरून प्रेम दिलं. मालिका बंद होणार असल्यानं प्रेक्षक नाराज आहेत. पण एका चांगल्या नोटवर मालिकेचा शेवट होणं गरजेचं होतं. नाहीतर उगाच मालिका खेचली गेली असतील तर कदाचित प्रेक्षकांनाच त्याचा कंटाळा आला असता. त्यामुळे आम्ही थांबण्याचा निर्णय घेतला, ” असं ती म्हणाली.